വോണിനെതിരെ ക്രിമിനല്‍ കേസ്

ജയ്പൂര്‍: രാജസ്ഥാന്‍ റോയല്‍സ് ക്യാപ്റ്റന്‍ ഷെയ്ന്‍ വോണിനെതിരേ ക്രിമിനല്‍ കേസ്. രാജസ്ഥാന്‍ ക്രിക്കറ്റ് അസോസിയേഷനാണ് വോണിനെതിരേ കേസ് നല്കാന്‍ തീരുമാനിച്ചിരിയ്ക്കുന്നത്.

ക്രിക്കറ്റ് അസോസിയേഷന്‍ സെക്രട്ടറി സഞ്ജയ് ദീക്ഷിതിനെതിരേ രൂക്ഷപരാമര്‍ശം നടത്തിയതിനാണ് ഓസീസ് സ്പിന്‍ ഇതിഹാസമായ വോണിനെതിരേ കേസ് നല്കുന്നത്.

മേയ് 11 നു നടന്ന രാജസ്ഥാന്‍ റോയല്‍സ് - ബാംഗ്ലൂര്‍ റോയല്‍ ചലഞ്ചേഴ്‌സ് മത്സരത്തിന്റെ അവാര്‍ഡുദാനത്തിനു ശേഷം ദീക്ഷിതിനെ നുണയനെന്നും അഹമ്മതി നിറഞ്ഞവനെന്നും വിളിച്ചതാണ് ആര്‍സിഎയെ പ്രകോപിപ്പിച്ചത്.

സംഭവത്തില്‍ മാപ്പ് പറയാന്‍ വോണ്‍ തയാറാണെന്ന് രാജസ്ഥാന്‍ റോയല്‍സ് ടീം ചീഫ് എക്‌സിക്യൂട്ടീവ് സീന്‍ മോറിസ് വ്യക്തമാക്കിയിട്ടുണ്ട്.