പാക് ക്യാപ്റ്റന് ഷാഹിദ് അഫ്രീദി എട്ടോവറില് 16 റണ്സ് വഴങ്ങി അഞ്ചു വിക്കറ്റെടുത്തതാണ് കെനിയയുടെ നട്ടെല്ലൊടിച്ചത്. ടൂര്ണമെന്റില് ഇതുവരെ ഒരു ബൗളറുടെ ഏറ്റവും മികച്ച പ്രകടനമാണിത്.
കോളിന്സ് ഒബൂയെ (47) മാത്രമാണു പാക് ആക്രമണം ചെറുത്തുനില്ക്കാന് കഴിഞ്ഞത്. വാലറ്റത്തെ നാലു പേര് പൂജ്യത്തിനു പുറത്തായി. ടോസ് നേടിയ പാകിസ്താന് ബാറ്റ് ചെയ്യാന് തീരുമാനിക്കുകയായിരുന്നു.
ഉമര് അക്മലിന്റെ വെടിക്കെട്ടാണ് (52 പന്തില് 71) പാകിസ്താനെ കൂറ്റന് സ്കോറിലെത്തിച്ചത്. മത്സരത്തിലെ കേമനും ഉമറാണ്. ഓപ്പണര്മാരായ അഹമ്മദ് ഷെഹ്സാദിനെയും (ഒന്പത്) മുഹമ്മദ് ഹഫീസിനെയും (ഒന്ന്) തുടക്കത്തിലെ നഷ്ടമായെങ്കിലും മധ്യനിര ബാറ്റ്സ്മാന്മാരുടെ അവസരോചിത ബാറ്റിങ് പാക്കിനെ മുന്നോട്ടു നയിച്ചു. വിക്കറ്റ് കീപ്പര് ബാറ്റ്സ്മാന് കമ്രാന് അക്മല്(55), യൂനിസ് ഖാന്(50), മിസ്ബാ ഉള്ഹഖ് (65) എന്നിവരും മികച്ച പ്രകടനം കാഴ്ചവച്ചു.