നൈറ്റ് റൈഡേഴ്‌സ് രാജസ്ഥാനെ തുരത്തി

20 ഓവറില്‍ നാലു വിക്കറ്റ് നഷ്ടത്തില്‍ രാജസ്ഥാന്‍ റോയല്‍സ് 159 റണ്‍സെടുത്തു. രാഹുല്‍ ദ്രാവിഡ്, റോസ് ടെയ്‌ലര്‍ എന്നിവര്‍ 35റണ്‍സ് എടുത്തു. ഓപ്പണര്‍ പൌനികര്‍ 15 പന്തുകളില്‍ ഒമ്പത് റണ്‍സ് എടുത്ത് പുറത്തായെങ്കിലും രാഹുല്‍ ദ്രാവിഡ് മെനേറിയയെ കൂട്ടുപിടിച്ച് സ്‌കോര്‍ ഉയര്‍ത്തി. 34 പന്തുകളില്‍ നിന്ന് ദ്രാവിഡ് 35 റണ്‍സാണ് എടുത്തത്. മെനാരിയ, 21 പന്തുകളില്‍ നിന്ന് 27 റണ്‍സ് എടുത്തു. 13 പന്തുകളില്‍ നിന്ന് 22 റണ്‍സ് എടുത്ത് വാട്‌സണും തിളങ്ങി.160 റണ്‍സ് വിജയലക്ഷ്യവുമായി ബാറ്റിങ്ങിനിറങ്ങിയ നൈറ്റ് റൈഡേഴ്‌സ് 18.3 ഓവറില്‍ ഒരു വിക്കറ്റ് നഷ്ടത്തില്‍ വിജയംനേടുകയായിരുന്നു. കാലിസ് 80 ഉം ഗംഭീര്‍ 75 ഉം റണ്‍സെടുത്തു.

ഷക്കീബ് അല്‍ ഹസന്‍, യൂസഫ് പഥാന്‍ എന്നിവര്‍ രണ്ടു വിക്കറ്റുകള്‍ വീതം വീഴ്ത്തി. രാജസ്ഥാന് അവസാന ഓവറുകളില്‍ കരുത്തായത് ടെയ്‌ലറുടെ പ്രകടനമാണ്. ടെയ്‌ലര്‍ പുറത്താകാതെ 25 പന്തുകളില്‍ നിന്ന് 35 റണ്‍സ് എടുത്തു. ബോത്ത 12 പന്തുകളില്‍ നിന്ന് അതേറണ്‍സെടുത്ത് പുറത്താകാതെ നിന്നു.