പരിക്കേറ്റെന്ന റിപ്പോര്‍ട്ട് സച്ചിന്‍ നിഷേധിച്ചു

മുംബൈ: ഇടതുകാല്‍ മുട്ടിന് പരിക്കേറ്റെന്ന റിപ്പോര്‍ട്ടുകള്‍ സച്ചിന്‍ തെണ്ടുല്‍ക്കര്‍ നിഷേധിച്ചു. മുംബൈയിലെ ആശുപത്രിയില്‍ അദ്ദേഹത്തെ എംആര്‍ഐ സ്‌കാനിംഗിനും വിധേയമാക്കിയതോടെയാണ് ഇത് സംബന്ധിച്ച് അഭ്യൂഹങ്ങള്‍ ഉയര്‍ന്നത്.

ബംഗ്ലാദേശുമായുള്ള മത്സരത്തിനിടെയാണ് സച്ചിന് പരിക്കേറ്റതെന്നും വാര്‍ത്തകള്‍ വന്നതോടെ ലോകകപ്പ് പ്രതീക്ഷിയ്ക്കുന്ന ഇന്ത്യന്‍ ആരാധകരെ ആശങ്കയിലാഴ്ത്തിയിരുന്നു.

27ന് ഇംഗ്ലണ്ടിനെതിരെ നടക്കുന്ന രണ്ടാം മത്സരത്തില്‍ കളിയ്ക്കുമെന്ന് സച്ചിന്‍ അറിയിച്ചിട്ടുണ്ട്. സച്ചിന്റെ ആരോഗ്യനിലയില്‍ ആശങ്കപ്പെടേണ്ടെന്ന് ഇന്ത്യന്‍ ടീം മാനേജ്‌മെന്റും അറിയിച്ചിട്ടുണ്ട്.