നേരത്തെ ഏഴുവിക്കറ്റിന് 136 എന്ന നിലയില് തകര്ന്ന ഓസ്ട്രേിലിയയ്ക്ക് പീറ്റര് സിഡിലിന്റെ അര്ദ്ധ സെഞ്ചുറിയാണ് മുഖം രക്ഷിക്കാന് തുണയായത്. പത്താമതായി ബാറ്റിംഗിനിറങ്ങിയ ജയിംസ് പാറ്റിന്സണ് 30 റണ്സോടെ സിഡിലിന് മികച്ച പിന്തുണ നല്കി. സ്റ്റീവന് സ്മിത്ത് 46, ഫിലിപ് ഹ്യൂസ് 45 എന്നിവരാണ് മറ്റു ഭേദപ്പെട്ട സ്കോറുകാര്. വിവാദങ്ങള്ക്കൊടുവില് ക്യാപ്റ്റന് സ്ഥാനത്തെത്തിയ ഷെയ്ന് വാട്സണ് മികച്ച പ്രകടനം കാഴ്ച വെയ്ക്കാനായില്ല.
നാലു ടെസ്റ്റുകളുടെ പരമ്പരയില് ആദ്യ മൂന്ന് മത്സരങ്ങളും ജയിച്ച് ഇന്ത്യ പരമ്പര നേടിക്കഴിഞ്ഞു. പരിക്കേറ്റ ശിഖര് ധവാന് പകരം മുബൈ താരമായ അജിന്ക്യ രഹാനെയാണ് ഇന്ത്യയ്ക്ക് വേണ്ടി ഇന്നിംഗ്സ് ഓപ്പണ് ചെയ്യുന്നത്. രഹാനെയുടെ ആദ്യ ടെസ്റ്റ് മത്സരമാണ് ദില്ലി ഫിറോസ് ഷാ കോട്ലയിലേത്.