Click it and Unblock the Notifications
ടീമിനെയും മാറ്റി
റോയല്‍ ചാലഞ്ചേഴ്‌സ് ബാഗ്ലൂരാണ് ഫേവറിറ്റ് ടീമെന്നു ആദ്യം പറഞ്ഞ ഡെവാള്‍ഡ് ബ്രെവിസ് അതിനു ശേഷം ഇതു മാറ്റിപ്പറഞ്ഞിരുന്നു. ഐപിഎല്‍ ലേലത്തില്‍ മുംബൈ ഇന്ത്യന്‍സിലേക്കു വന്നതോടെയാണ് മുംബൈയാണ് തന്റെ ഫേവറിറ്റ് ടീമെന്നു താരം വ്യക്തമാക്കിയത്.
ഇപ്പോഴിതാ തന്റെ മുന്‍ ആരാധനാപാത്രങ്ങളെയും ബ്രെവിസ് മാറ്റിയിരിക്കുകയാണ്. രോഹിത് ശര്‍മയെയും സൂര്യകുമാര്‍ യാദവിനെയുമാണ് താന്‍ ആരാധിക്കുന്നതെന്നാണ് താരം ഇപ്പോള്‍ വെളിപ്പെടുത്തിയിരിക്കുന്നത്. ഇതോടെയാണ് സോഷ്യല്‍ മീഡിയയില്‍ ചിലര്‍ ബ്രെവിസിനെ കളിയാക്കിയിരിക്കുന്നത്.
എല്ലാം മറന്നു?
നേരത്തേ പറഞ്ഞതെല്ലാം ഡെവാള്‍ഡ് ബ്രെവിസ് മറന്നു പോയോയെന്നാണ് ഒരു യൂസര്‍ ചിരിക്കുന്ന ഇമോജിയോടു കൂടി ട്വീറ്റ് ചെയ്തത്.
ഐപിഎല്ലിനു മുമ്പ് റോയല്‍ ചാലഞ്ചേഴ്‌സ് ബാംഗ്ലൂരിനു വേണ്ടി കളിക്കാനാണ് ആഗ്രഹമെന്നായിരുന്നു ഡെവാള്‍ഡ് ബ്രെവിസ് പറഞ്ഞത്.
പക്ഷെ മുംബൈ ഇന്ത്യന്‍സിലേക്കു വന്നതോടെ തന്നെ ഇഷ്ടപ്പെട്ട ടീമിനെ മാത്രമല്ല ഫേവറിറ്റ് താരങ്ങളെയും മാറ്റിയിരിക്കുകയാണെന്നു ഒരു യൂസര്‍ പരിഹസിച്ചു.
Also Read: രോഹിത് ഇന്ത്യന്‍ ക്രിക്കറ്റിലെ 'ഗജിനി'യോ? മറവി കാരണം പല തവണ പണി കിട്ടി! അറിയാം
ചതിയന്‍ ബ്രെവിസ്
ഐപിഎല്ലിന്റെ ഭാഗമാവുന്നതിനു മുമ്പ് വിരാട് കോലിലെയും എബി ഡിവില്ലിയേഴ്‌സിനെയുമാണ് താന്‍ ഒരുപാട് ആരാധിക്കുന്നതെന്നു ഡെവാള്‍ഡ് ബ്രെവിസ് പറഞ്ഞത്. പക്ഷെ ഇപ്പോള്‍... എന്നായിരുന്നു ഒരു യൂസര്‍ ട്വീറ്റ് ചെയ്തത്.
ചതിയന്‍, കുട്ടിയായിരിക്കെ റോയല്‍ ചാലഞ്ചേഴ്‌സ് ബാംഗ്ലൂരിന്റെ ജഴ്സി ധരിച്ചിരുന്നവനാണ് ഡെവാള്‍ഡ്. ഇപ്പോള്‍ എല്ലാം മറന്നിരിക്കുകയാണെന്നും ഒരു യൂസര്‍ വിമര്‍ശിച്ചു.
മുംബൈ ഇന്ത്യന്‍സിലേക്കു വരുന്നതിനു മുമ്പ് ഡെവാള്‍ഡ് ബ്രെവിസ് ഇതു പറഞ്ഞിരുന്നെങ്കില്‍ എന്നു ഞാന്‍ ആഗ്രഹിക്കുകയാണ്. തങ്ങളുടെ അഭിപ്രായങ്ങള്‍ മാറ്റിപ്പറയുന്ന ഇത്തരം താരങ്ങളെ തനിക്ക് ഇഷ്ടമല്ലെന്നു ഒരു യൂസര്‍ കുറിച്ചു.
