Click it and Unblock the Notifications
കടുപ്പമാവും
ഇന്ത്യന്‍ പര്യടനം വളരെ കടുപ്പമാവുമെന്ന കാര്യത്തില്‍ സംശയമില്ലെന്നു ഡികോക്ക് വ്യക്തമാക്കി. ദക്ഷിണാഫ്രിക്കയുടെ ഭാഗത്തു നിന്നു നോക്കിയാല്‍ എത്ര വലിയ ദുരന്തവും നേരിടാന്‍ തങ്ങള്‍ തയ്യാറാവേണ്ടതുണ്ടെന്നും താരം പറഞ്ഞു.
ഇന്ത്യക്കെതിരായ മൂന്നു മല്‍സരങ്ങളുടെ ടി20 പരമ്പരയില്‍ ദക്ഷിണാഫ്രിക്കയെ നയിക്കുക ഡികോക്കാണ്. ഫഫ് ഡുപ്ലെസിയുടെ അഭാവത്തിലാണ് അദ്ദേഹത്തിനു ക്യാപ്റ്റനായി നറുക്ക് വീണത്.
ടെസ്റ്റാവും വലിയ വെല്ലുവിളി
ടി20യെ അപേക്ഷിച്ച് ഇന്ത്യക്കെതിരേയുള്ള ടെസ്റ്റ് പരമ്പരയാവും ദക്ഷിണാഫ്രിക്കയ്ക്കു ഏറ്റവും വലിയ വെല്ലുവിലിയാവുകയെന്നു ഡികോക്ക് ചൂണ്ടിക്കാട്ടി. ടി20 പരമ്പരയില്‍ ഇന്ത്യന്‍ സ്പിന്നര്‍മാര്‍ക്ക് അത്ര മികച്ച ടേണ്‍ ലഭിക്കില്ലെന്നാണ് തോന്നുന്നത്. കാരണം ഐപിഎല്ലില്‍ മികച്ച വിക്കറ്റാണ് ഇന്ത്യയില്‍ ഒരുക്കാറുള്ളത്. പക്ഷെ ടെസ്റ്റില്‍ കാര്യങ്ങള്‍ വ്യത്യസ്തമാവും. ആദ്യദിനം മുതല്‍ സ്പിന്നര്‍മാര്‍ക്കു നല്ല ടേണ്‍ ലഭിക്കുമെന്നും ഡികോക്ക് കൂട്ടിച്ചേര്‍ത്തു.
കൂടുതല്‍ മികച്ച പ്രകടനം
കഴിഞ്ഞ ഇന്ത്യന്‍ പര്യടനത്തിലെ ടെസ്റ്റ് പരമ്പരയില്‍ കാഴ്ച വച്ചതിനേക്കാള്‍ നല്ല പ്രകടനം ഇത്തവണ പുറത്തെടുക്കാനാണ് ശ്രമമെന്നു ഡികോക്ക് വ്യക്തമാക്കി. കഴിഞ്ഞ തവണത്തേതു പോലെയുള്ളതോ അതിനേക്കാള്‍ മികച്ചതോ ആയ പിച്ചാണോ ഇത്തവണ ഇന്ത്യ തയ്യാറാക്കുകയെന്ന കാര്യത്തില്‍ ഉറപ്പില്ല. എന്തു തന്നെ ആയാലും കൂടുതല്‍ ഉണര്‍ന്നു കളിച്ച് നല്ല പ്രകടനം നടത്താനാണ് ടീം ആഗ്രഹിക്കുന്നതെന്നും അദ്ദേഹം വ്യക്തമാക്കി.
