എനിക്ക് വേണ്ടി ഗാംഗുലി ത്യാഗം ചെയ്തു, ദാദയോട് നന്ദിയുണ്ട്: സേവാഗ്

ടെസ്റ്റ് ക്രിക്കറ്റ് കളിപ്പിച്ചത് ഗാംഗുലി

ടെസ്റ്റിലും ഏകദിനത്തിലും സേവാഗിനെ ഓപ്പണറാക്കിയത് ഗാംഗുലിയാണ്. ഗാംഗുലി തന്നില്‍ വിശ്വാസമര്‍പ്പിച്ചിരുന്നില്ലെങ്കില്‍ താന്‍ ടെസ്റ്റ് ക്രിക്കറ്റ് തന്നെ കളിച്ചിട്ടുണ്ടാകില്ല എന്നാണ് സേവാഗ് പറയുന്നത്.

ഭാഗ്യാവാനാണ് ഞാന്‍

എനിക്ക് മുമ്പേ സച്ചിനും ഗാംഗുലിയുമായിരുന്നു ഓപ്പണര്‍മാര്‍. ഇഷ്ടം പോലെ സെഞ്ചുറി കൂട്ടുകെട്ടുകളും റെക്കോര്‍ഡുകളും അവര്‍ ഉണ്ടാക്കി. ഗാംഗുലി അദ്ദേഹത്തിന്റെ സ്ഥാനം എനിക്ക് തന്നു.

ഗാംഗുലിയുടെ ത്യാഗം

ഗാംഗുലി ചെയ്തത് ഒരു ത്യാഗമാണ്. എന്നോട് ഗാംഗുലിക്ക് വലിയ സ്‌നേഹമായിരുന്നു. അതുകൊണ്ടാകണം എനിക്ക് ആ സ്ഥാനം തന്നത്. ഞാന്‍ ഭാഗ്യവാനാണ്. താങ്ക് യൂ സൗരവ് ഗാംഗുലി - സേവാഗ് പറഞ്ഞു

കണ്ടെത്തിയത് സഹീര്‍ ഖാന്‍

തന്നിലെ ഓപ്പണറെ കണ്ടെത്തിയത് സഹീര്‍ ഖാനാണ് എന്നും സേവാഗ് പറഞ്ഞു. ഗാംഗുലിയോട് തന്നെ ഓപ്പണ്‍ ചെയ്യിക്കാന്‍ ആദ്യമായി പറഞ്ഞത് സഹീര്‍ ഖാനാണ്. താങ്ക് യൂ സഹീര്‍ ഖാന്‍.

എന്നിലെ ടെസ്റ്റ് ക്രിക്കറ്ററെ കണ്ടെത്തി

എന്റെ കളി കണ്ടാല്‍ ഏകദിന സ്‌പെഷലിസ്റ്റ് ആണെന്ന് തോന്നും. എന്നില്‍ ഒരു ടെസ്റ്റ് ക്രിക്കറ്ററുണ്ടെന്ന് കണ്ടെത്തിയത് ഗാംഗുലിയാണ്.

ചെറിയ അനിയന്‍

ഗാംഗുലി, ദ്രാവിഡ്, സച്ചിന്‍, ലക്ഷ്മണ്‍ തുടങ്ങിയവരെല്ലാം എന്നെ അനിയനെപ്പോലെയാണ് കണ്ടത് - ഫാബുലസ് ഫോറിനെപ്പറ്റി സേവാഗ് പറയുന്നു.