Click it and Unblock the Notifications
ലോകേഷ് രാഹുല്‍
നിശ്ചിത ഓവര്‍ ക്രിക്കറ്റിലെ ഏറ്റവും അപകടകാരിയായ ബാറ്റ്‌സ്മാനായ ലോകേഷ് രാഹുലിന് ഏഷ്യാ കപ്പില്‍ ഇന്ത്യ ഇതുവരെ അവസരം നല്‍കിയിട്ടില്ലെന്നത് ആശ്ചര്യകരമാണ്. രാഹുലിനു പകരം അമ്പാട്ടാ റായുഡു, ദിനേഷ് കാര്‍ത്തിക് എന്നിവരെയാണ് ഇന്ത്യ മധ്യനിരയില്‍ പരീക്ഷിച്ചത്. ഇരുവരും മോശമല്ലാത്ത പ്രകടനം കാഴ്ചവയ്ക്കുകയും ചെയ്തു.
അഫ്ഗാനെതിരായ അടുത്ത കളിയില്‍ ഇവരിലൊരാളെ പുറത്തിരുത്തി രാഹുലിനെ ഇന്ത്യക്കു പരീക്ഷിക്കാവുന്നതാണ്. കാരണം തീപ്പൊരി ഇന്നിങ്‌സിലൂടെ ഒറ്റയ്ക്കു മല്‍സരം ജയിപ്പിക്കാന് മിടുക്കനാണ് അദ്ദേഹം.
സിദ്ധാര്‍ഥ് കൗള്‍
കഴിഞ്ഞ സീസണിലെ ഐപിഎല്ലിലെ മിന്നുന്ന പ്രകടനത്തിലൂടെ ഏറെ പ്രതീക്ഷ നല്‍കിയ താരമായിരുന്നു പേസര്‍ സിദ്ധാര്‍ഥ് കൗള്‍. ഐപിഎല്ലിലെ പ്രകടനം കഴിഞ്ഞ ഇംഗ്ലണ്ട് പര്യടനത്തിലുള്ള ടീമിലും അദ്ദേഹത്തിന് ഇടംനേടിക്കൊടുത്തു. എന്നാല്‍ ഐപിഎല്ലിലെ മാജിക്ക് കൗളിന് ഇവിടെ പുറത്തെടുക്കാനായില്ല. ഇപ്പോള്‍ ഒരിക്കല്‍ക്കൂടി താരം ദേശീയ ടീമിലെത്തിയിരിക്കുകയാണ്. ശര്‍ദ്ദുല്‍ താക്കൂര്‍ പരിക്കേറ്റു പിന്‍മാറിയതോടെയാണ് കൗളിനു നറുക്കുവീണത്.
അഫ്ഗാനെതിരേ ഭുവനേശ്വര്‍ കുമാര്‍, ജസ്പ്രീത് ബുംറ എന്നിവരിലൊരാള്‍ക്കു വിശ്രമം നല്‍കി പരീക്ഷിക്കാവുന്ന താരമാണ് കൗള്‍.
മനീഷ് പാണ്ഡെ
സമീപകാലത്തെ സ്ഥിരതയാര്‍ന്ന പ്രകടനത്തെ തുടര്‍ന്നു ദേശീയ ടീമിലേക്കു തിരികെ വിളിക്കപ്പെട്ട മനീഷ് പാണ്ഡെയ്ക്കു ഏഷ്യാ കപ്പില്‍ ഇതുവരെ അവസരം ലഭിച്ചിട്ടില്ല. നാട്ടില്‍ നടന്ന ചതുര്‍ രാഷ്ട്ര പരമ്പരയില്‍ ഇന്ത്യ ബിക്കു വേണ്ടി 306 റണ്‍സ് പാണ്ഡെ നേടിയിരുന്നു. ടീമിനെ കിരീടത്തിലേക്കു നയിച്ചതും അദ്ദേഹമായിരുന്നു. എന്നാല്‍ ഏഷ്യാ കപ്പില്‍ പാണ്ഡെയ്ക്ക് കാഴ്ചക്കാരനായി ഇതുവരെ ഒതുങ്ങേണ്ടിവന്നു.
അഫ്ഗാനെതിരേ ഇന്ത്യ തീര്‍ച്ചായും അവസരം നല്‍കേണ്ട താരങ്ങളിലൊരാളാണ് പാണ്ഡെ. അമ്പാട്ടി റായുഡു, ദിനേഷ് കാര്‍ത്തിക് ഇവരിലൊരാള്‍ക്കു പകരമായിരിക്കും പാണ്ഡെ ടീമിലെത്തുക.
