കളി നിര്ത്തിയതല്ലേ ഉളളൂ
മഹേള ജയവര്ധനെ ശ്രീലങ്കന് ടീം വിട്ടിട്ട് ഒരു വര്ഷം പോലും ആയില്ല. ടീമിലെ എല്ലാ രഹസ്യങ്ങളും ലോകകപ്പിനുള്ള തയ്യാറെടുപ്പുകളും അറിയുന്ന ആളാണ് ജയവര്ധനെ. അദ്ദേഹം തങ്ങളുടെ എതിര് ടീമിന് വേണ്ടി തന്ത്രങ്ങളൊരുക്കുന്നത് തീരെ ശരിയല്ല. - ശ്രീലങ്കയുടെ വാദം ന്യായമാണ്.
ഐ പി എല്ലില് വേണമെങ്കില് പോയിക്കോട്ടെ
ജയവര്ധനെ മറ്റേതെങ്കിലും ടീമില് പോകുന്നത് തങ്ങള്ക്ക് പ്രശ്നമുള്ള കാര്യമല്ല. ഐ പി എല് ടീമിലോ ഏതെങ്കിലും സംസ്ഥാനങ്ങള്ക്ക് വേണ്ടിയോ ആഭ്യന്തര ക്രിക്കറ്റിലോ ചേര്ന്നോട്ടെ. എന്നാല് ഇത് അതുപോലെയല്ല. സ്വന്തം രാജ്യത്തിനെതിരെ ലോകകപ്പ് കളിക്കുന്ന ടീമിലാണ് അദ്ദേഹം പോയിരിക്കുന്നത്.
കഴിവില് സംശയമില്ല
മഹേള ജയവര്ധനെയുടെ കളിയിലോ ക്യാപ്റ്റന്സിയിലോ കോച്ചിങ് മികവിലോ തങ്ങള്ക്ക് ഒരു പരാതിയും സംശയവും ഇല്ല. അദ്ദേഹത്തിന്റെ കഴിവുകളോട് വലിയ ആദരവാണ് തങ്ങള്ക്കുള്ളത്. പക്ഷേ ഇപ്പോള് ഈ ചെയ്തത് ശരിയായില്ല എന്ന് മാത്രം
ആദ്യമായിട്ടല്ല
ഇതാദ്യമായിട്ടല്ല മഹേള ജയവര്ധനെ ഇംഗ്ലണ്ട് ടീമിനൊപ്പം ചേരുന്നത്. യു എ ഇയില് ടെസ്റ്റ് കളിക്കുമ്പോള് ഇംഗ്ലണ്ടിന്റെ ബാറ്റിംഗ് കണ്സല്ട്ടന്റ് ആയിരുന്നു മഹേള.