ആരു വിജയച്ചിട്ടില്ല
ഫൈനലില് ആരും വിജയിച്ചിട്ടില്ലെന്ന അഭിപ്രായമാണ് വാട്മോറിനുള്ളത്. അതു കൊണ്ടു തന്നെ കിരീടം ഇംഗ്ലണ്ടും ന്യൂസിലാന്ഡും ചേര്ന്നു പങ്കിടുകയായിരുന്നു ചെയ്യേണ്ടിയിരുന്നതെന്നും അദ്ദേഹം ചൂണ്ടിക്കാട്ടി.
ഇത്തരത്തിലുള്ള കാര്യങ്ങള് കുറേക്കൂടി നല്ല രീതിയില് കൈകാര്യം ചെയ്യേണ്ടിയിരുന്നു. ഒരുപക്ഷെ മല്സരം വീണ്ടും നടത്താമായിരുന്നുവെന്നും വാട്മോര് വിശദമാക്കി.
നിര്ഭാഗ്യകരം
ഫൈനലിലെ സംഭവങ്ങള് നിര്ഭാഗ്യകരമാണെന്ന് വാട്മോര് അഭിപ്രായപ്പെട്ടു. ഇത്തരത്തിലുള്ള സംഭവങ്ങള് നേരത്തേയുമുണ്ടായിട്ടുണ്ടെന്നു പറയുന്നവരുണ്ടാവാം. സൂപ്പര് ഓവറും ടൈയില് കലാശിച്ചാല് കൂടുതല് ബൗണ്ടറി നേടിയവര് ജയിക്കുമെന്ന നിയമത്തെക്കുറിച്ച് എത്ര പേര്ക്ക് അറിയാമായിരുന്നുവെന്നതില് ആശ്ചര്യമുണ്ട്.
അംപയര്മാരും മനുഷ്യന്മാരാണ്. ഫൈനലില് നിശ്ചിത ഓവറും സൂപ്പര് ഓവറും ടൈ ആയതിനാല് യഥാര്ഥത്തില് ആരും ജയിച്ചിട്ടില്ല. എന്നാല് നിയമപ്രകാരം കാര്യങ്ങള് ഇംഗ്ലണ്ടിനു അനുകൂലമാവുകയായിരുന്നുവെന്നും അദ്ദേഹം പറഞ്ഞു.
തനിക്ക് അറിയില്ലായിരുന്നു
നിശ്ചിത ഓവറും സൂപ്പര് ഓവറും ടൈയില് കലാശിക്കുകയാണെങ്കില് കൂടുതല് ബൗണ്ടറികള് നേടിയ ടീമിനെ വിജയികളായി പ്രഖ്യാപിക്കുകയെന്ന ഐസിസിയുടെ നിയമത്തെക്കുറിച്ച് തനിക്ക് അറിയില്ലായിരുന്നുവെന്നു വാട്മോര് വെളിപ്പെടുത്തി. ലോകകപ്പ് ഫൈനലിലേതു പോലെയുള്ള സംഭവങ്ങള് അപൂര്വ്വമായി മാത്രം ഉണ്ടാവുന്നതാണെന്നും 1996ല് ശ്രീലങ്കയെ കന്നി ലോക കിരീടത്തിലേക്കു നയിച്ച വാട്മോര് കൂട്ടിച്ചേര്ത്തു.