Click it and Unblock the Notifications
വാക്കുകള് വളച്ചൊടിച്ചെന്ന് വോണ്
എന്നാല്, ഇത്തരമൊരു വാര്ത്ത തെറ്റാണെന്ന് വോണ് വ്യക്തമാക്കി. തന്റെ വാക്കുകള് വളച്ചൊടിച്ചതാണെന്നാണ് അദ്ദേഹത്തിന്റെ വിശദീകരണം. ഒരു ചോദ്യത്തിന് മറുപടിയായിട്ടായിരുന്നു തന്റെ ഉത്തരം. ബിസിസിഐയുടെ തീരുമാനമാണ് പ്രധാനം. ഓസ്ട്രേലിയന് പരിശീലകനായതിനാല് പോണ്ടിങ്ങിനെ ഐപിഎല്ലില് ഉള്പ്പെടുത്താതിരിക്കുകയായിരുന്നു നല്ലത്. അത്തരമൊരു തീരുമാനം വന്നാല് പോണ്ടിങ് അത് അനുസരിക്കേണ്ടതുണ്ടെന്നും വോണ് വ്യക്തമാക്കി.
ഓസീസ് ടീമിന്റെ പരിശീലകന്
ഓസീസ് ടീമിന്റെ സമീപകാലത്തെ മോശം പ്രകടനത്തെ തുടര്ന്നാണ് പോണ്ടിങ്ങിനെ പരിശീലക സംഘത്തില് ഉള്പ്പെടുത്തിയത്. ലോകകപ്പില് മികവു കാട്ടുകയാണ് ലക്ഷ്യം. അതേസമയം, ഇത്തരമൊരു സ്ഥാനത്തിരിക്കുമ്പോള് പോണ്ടിങ് ഐപിഎല്ലിലും സാന്നിധ്യം അറിയിക്കുന്നതിനോട് വോണിന് ഒട്ടും യോജിപ്പില്ല.
രവി ശാസ്ത്രിയെ സഹകരിപ്പിക്കുന്നില്ല
വിരാട് കോലി ഐപിഎല്ലില് ഒരു ടീമിന്റെ ക്യാപ്റ്റനാണ്. രോഹിത് ശര്മ മറ്റൊരു ടീമിനെയും നയിക്കുന്നു. ഇതില് കുഴപ്പമില്ല. എന്നാല് പരിശീലകരുടെ കാര്യത്തില് ഇതല്ല സ്ഥിതി. ഇന്ത്യന് കോച്ചായ രവി ശാസ്ത്രിയെ ഐപിഎല്ലുമായി സഹകരിക്കാന് ബിസിസിഐ അനുവദിക്കുന്നില്ല. അപ്പോള് ഓസീസ് പരിശീലകരില് ഒരാളായ പോണ്ടിങിന് എങ്ങനെ സാധിക്കുമെന്നും വോണ് ചോദിക്കുന്നു. നിലവില് ഐപിഎല്ലിലെ രാജസ്ഥാന് റോയല്സ് ടീമിന്റെ ബ്രാന്ഡ് അംബാസഡര് കൂടിയാണ് വോണ്.
Continue with Google