Click it and Unblock the Notifications
20 വര്ഷമായി ദേശീയ ടീമിനു വേണ്ടി കളിക്കുന്നു. പാകിസ്താനു വേണ്ടിയാണ് ക്രിക്കറ്റ് ബോര്ഡിനു വേണ്ടിയല്ല കളിക്കുന്നത്. ആരെയും താന് ആശ്രയിക്കുന്നില്ലെന്നും അഫ്രീദി വ്യക്തമാക്കി.
ഈ വര്ഷം ഏപ്രിലില് ഇന്ത്യയില് സമാപിച്ച ട്വന്റി ട്വന്റി ലോകകപ്പിലെ ദയനീയ പ്രകടനത്തിനു ശേഷം അഫ്രീദി പാക് ടീമിന്റെ നായകസ്ഥാനം രാജിവച്ചിരുന്നു. പാക് ജഴ്സിയില് വിടവാങ്ങല് മല്സരം കളിക്കാന് ആഗ്രഹിക്കുന്നതായും അന്നു താരം പറഞ്ഞിരുന്നു.
ക്രിക്കറ്റ് ഇപ്പോഴും താന് ആസ്വദിക്കുന്നതായും ട്വന്റി ട്വന്റി ക്രിക്കറ്റില് ഇപ്പോഴും സജീവമാണെന്നും അഫ്രീദി വ്യക്തമാക്കി. ദേശീയ ടീമിനായി ഇനിയും സംഭാവനകള് നല്കാന് കഴിയും. ടീമിനു അകത്തോ പുറത്തോയെന്ന കാര്യങ്ങള് തന്റെ നിയന്ത്രണത്തിലല്ല. സെലക്റ്റര്മാരാണ് ഇതു തീരുമാനിക്കേണ്ടത്.
ദേശീയ ക്രിക്കറ്റ് ബോര്ഡിന് അഫ്രീദിയുമായി ഒരു പ്രശ്നവുമില്ലെന്ന് പിസിബിയുടെ മുതിര്ന്ന ഒഫീഷ്യല് നജാം സേത്തി പറഞ്ഞു. ഇതുവരെയുള്ള പ്രകടനത്തില് രാജ്യം അദ്ദേഹത്തോട് കടപ്പെട്ടിരിക്കുന്നതായും സേത്തി കൂട്ടിച്ചേര്ത്തു.
Continue with Google