Click it and Unblock the Notifications
സച്ചിന്‍ ടെണ്ടുല്‍ക്കറെ ഒഴിവാക്കി
പാക്കിസ്ഥാന്‍ കളിക്കാര്‍ക്ക് മേധാവിത്വമുള്ള ടീമില്‍ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കറെയും ഇന്ത്യയുടെ മുന്‍ ക്യാപ്റ്റന്‍ എംഎസ് ധോണിയേയും ഉള്‍പ്പെടുത്തിയിട്ടില്ല. ആറ് ലോകകപ്പുകളില്‍ കളിച്ച താരമാണ് സച്ചിന്‍. ലോകകപ്പില്‍ 44 ഇന്നിങ്‌സുകളില്‍നിന്നായി 2278 റണ്‍സും നേടി. 56.95 ആണ് ശരാശരി. 16 അര്‍ധസെഞ്ച്വറികളും ആറ് സെഞ്ച്വറിയും സച്ചിന്‍ ലോകകപ്പില്‍നിന്നും നേടിയിട്ടുണ്ട്.
ധോണിയും ടീമിലില്ല
പരിമിത ഓവര്‍ ക്രിക്കറ്റിലെ എക്കാലത്തെയും മികച്ച ഫിനിഷര്‍ ആയ എംഎസ് ധോണിയെയും അഫ്രീദി ഒഴിവാക്കി. 2011ലെ ലോകകപ്പില്‍ ഇന്ത്യ ജേതാക്കളായപ്പോള്‍ ടീമിനെ നയിച്ചത് ധോണിയാണ്. കളിയുടെ തുടക്കംമുതല്‍ ഒടുക്കംവരെ സൂക്ഷ്മായി നിരീക്ഷിക്കാന്‍ ധോണിക്ക് കഴിയും. ഇത്തവണ ധോണി തന്റെ ഒടുവിലത്തെ ലോകകപ്പിനായി ഇറങ്ങാനൊരുങ്ങുകയാണ്.
അഫ്രീദിയുടെ ഇലവന്‍
സയീദ് അന്‍വര്‍, ആദം ഗില്‍ക്രിസ്റ്റ്, റിക്കി പോണ്ടിങ്, വിരാട് കോലി, ഇന്‍സമാം ഉള്‍ ഹഖ്, ജാക്വിസ് കാലിസ്, വസിം അക്രം, ഗ്ലെന്‍ മഗ്രാത്ത്, ഷെയ്ന്‍ വോണ്‍, ഷൊയബ് അക്തര്‍, സഖ്‌ലൈന്‍ മുഷ്താഖ് എന്നിവരാണ് അഫ്രീദിയുടെ ഇലവനിലുള്ളത്. ഇന്ത്യ, പാക്കിസ്ഥാന്‍, ഓസ്‌ട്രേലിയ, ദക്ഷിണാഫ്രിക്ക ടീമുകൡലെ അംഗങ്ങള്‍ മാത്രമാണ് ടീമില്‍ ഉള്‍പ്പെട്ടത്.
