Click it and Unblock the Notifications
തന്റെ ട്വിറ്റര് പേജില് രണ്ടു പാണ്ടകളുടെ ചിത്രം പോസ്റ്റ് ചെയ്ത സെവാഗിന്റെ ട്വീറ്റ് ഇങ്ങനെയായിരുന്നു. നിങ്ങള്ക്ക് പണ്ടു മുതല് അറിയുന്ന ഒരാള് കണ്ണടയെടുത്താല് എങ്ങനെയിരിക്കുമെന്ന് കണ്ടോളൂ. ചിത്രത്തിലെ ഒരു പാണ്ടയുടെ കണ്ണ് വലുതും താഴേക്ക് കറുപ്പു നിറവും ചേര്ന്നതാണ്. രണ്ടാമത്തെ പാണ്ടയുടെ കണ്ണാവട്ടെ വളരെ ചെറുതും.
ആദ്യത്തെ ട്വീറ്റില് താന് ഉദ്ദേശിച്ചത് ഗാംഗുലിയെക്കുറിച്ചാണന്ന സൂചനയൊന്നും സെവാഗ് നല്കിയിരുന്നില്ല. എന്നാല് രണ്ടാമത്തെ ട്വീറ്റ് ഇങ്ങനെയായിരുന്നു. ദാദ ഗാംഗുലിയും ചൈനീസ് ഗാംഗുലിയും. കണ്ണ് ചിമ്മിക്കൊണ്ട് എതിര് ടീമിലെ സ്പിന്നര്മാര്ക്കെതിരേ സിക്സര് പറത്തുന്ന രാജകുമാരന് ഗാംഗുലിയെക്കുറിച്ച് ഉജ്ജ്വലമായ ഓര്മകളാണ് മനസ്സിലുള്ളത്.
ഇന്ത്യക്കായി 251 ഏകദിനങ്ങളിലും 104 ടെസ്റ്റുകളിലും പാഡണിഞ്ഞ സെവാഗ് ഏറ്റവുമധികം തവണ കളിച്ചത് ഗാംഗുലിക്കു കീഴിലാണ്.
സോഷ്യല് മീഡിയയിലെ മിന്നും താരമാണ് ഇപ്പോള് സെവാഗ്. നിരവധി സന്ദര്ഭങ്ങളില് രസകരമായ ട്രോളുകള് ഇറക്കിയ സെവാഗ് അടുത്തിടെ കളിയെക്കുറിച്ച് വിശകലനം ചെയ്യുന്ന വീരു ഗ്യാന് എന്ന പരിപാടിയും ആരംഭിച്ചു കഴിഞ്ഞു.
2015 ഒക്ടോബറിലാണ് ക്രിക്കറ്റിന്റെ മൂന്നു ഫോര്മാറ്റുകളില് നിന്നും താന് വിരമിക്കുന്നതായി സെവാഗ് പ്രഖ്യാപിച്ചത്. 1999 മുതല് 2013 വരെ ടീമിലെ അവിഭാജ്യഘടകമായിരുന്നു അദ്ദേഹം.
Continue with Google