ആദ്യമറിഞ്ഞത് താനെന്ന് സെവാഗ്
ഗാംഗുലിക്കെതിരേ ബിസിസിഐയ്ക്കു ചാപ്പല് ഇമെയില് അയക്കുന്ന കാര്യം ഏറ്റവുമാദ്യം അറിഞ്ഞത് താനാണെന്നു സെവാഗ് പറഞ്ഞു. ഫീല്ഡിങിനിടെ ഇടയ്ക്ക് വിശ്രമിക്കുന്ന ശീലം തനിക്കുണ്ടായിരുന്നു. ഓരോ അഞ്ചോവര് കഴിയുമ്പോഴും ഇത്തരത്തില് ഗ്രൗണ്ടില് നിന്നും ബ്രേക്ക് എടുത്തിരുന്നു. വയറിന് നല്ല സുഖമില്ലെന്നും അതിനാല് ബ്രേക്ക് എടുക്കുന്നുവെന്നമാണണ് അംപയറോട് പറഞ്ഞിരുന്നത്.
അന്നു ഇതുപോലെ ബ്രേക്കെടുത്ത് ഗ്രൗണ്ടില് നിന്നും തിരിച്ചെത്തിയപ്പോഴാണ് തന്റെ തൊട്ടരികില് ഇരുന്ന ചാപ്പല് ഇമെയില് അയക്കുന്നത് ശ്രദ്ധയില് പെട്ടത്. ബിസിസിഐയ്ക്കാണ് അയക്കുന്നതെന്നും തനിക്കു മനസ്സിലായെന്നു സെവാഗ് വെളിപ്പെടുത്തി.
ഗാംഗുലിയെ അറിയിച്ചു
ബിസിസിഐയ്ക്ക് മറ്റാരുമറിയാതെ ചാപ്പല് ഇമെയില് അയക്കുന്ന വിവരം താന് ഉടന് തന്നെ ഗാംഗുലിയെ അറിയിക്കുകയും ചെയ്തതായും വിഷയം കുറച്ച് ഗൗരവമുള്ളതാണെന്നും അദ്ദേഹത്തോട് പറഞ്ഞതായും സെവാഗ് വെളിപ്പെടുത്തി.
2005 മേയിലാണ് ചാപ്പല് ഇന്ത്യന് പരിശീലകനായി ചുമതയേറ്റത്. അദ്ദേഹം കോച്ചായ ശേഷം നിരവധി വിവാദ സംഭവങ്ങളും ഉണ്ടായിട്ടുണ്ട്. ഇതിലൊന്നായിരുന്നു ഗാംഗുലിയെ കുറ്റപ്പെടുത്തിക്കൊണ്ട് ബിസിസിഐയ്ക്കു ചാപ്പല് അയച്ച ഇമെയില്.
പല താരങ്ങളും വിമര്ശിച്ചിരുന്നു
ചാപ്പലിനെ കുറ്റപ്പെടുത്തിക്കൊണ്ട് അന്നത്തെ പല താരങ്ങളും പിന്നീട് രംഗത്തുവന്നിരുന്നു. പ്ലെയിങ് ഇറ്റ് മൈ വേ എന്ന തന്റെ ആത്മകഥയില് ഇതിഹാസ താരം സച്ചിന് ടെണ്ടുല്ക്കറും ചാപ്പലിനെക്കുറിച്ച് മോശമായി പരാമര്ശിക്കുന്നുണ്ട്.
ഇന്ത്യന് ക്രിക്കറ്റിനെ ചാപ്പല് നശിപ്പിക്കുകയായിരുന്നുവെന്നാണ് വെറ്ററന് സ്പിന്നര് ഹര്ഭജന് സിങ് തുറന്നടിച്ചത്. അദ്ദേഹമുണ്ടാക്കിയ പ്രതിസന്ധികളില് നിന്നും കരകയറാന് ടീമിനു മൂന്നു വര്ഷം വരെ വേണ്ടി വന്നിരുന്നുവെന്നും ഭാജി ചൂണ്ടിക്കാട്ടിയിരുന്നു.
ഒരു പ്രത്യേക അജണ്ടയോടെ പ്രവര്ത്തിച്ച കോച്ചായിരുന്നു ചാപ്പലെന്നാണ് മുന് പേസര് സഹീര് ഖാന് ആരോപിച്ചത്.