ഒരു കളിയിലെ പ്രകടനം
ലോകകപ്പില് ഒരു മല്സരത്തിലെ ദയനീയ പ്രകടനമാണ് പാകിസ്താന് സെമി ഫൈനല് ബെര്ത്ത് നഷ്ടപ്പെടുത്തിയതെന്നു ക്യാപ്റ്റന് സര്ഫ്രാസ് അഹമ്മദ് പറഞ്ഞു. ബംഗ്ലാദേശിനെതിരായ അവസാന റൗണ്ട് മല്സരത്തില് ജയിച്ച ശേഷം സംസാരിക്കുകയായിരുന്നു അദ്ദേഹം.
വെസ്റ്റ് ഇന്ഡീസിനെതിരായ ആദ്യ കളിയിലെ തോല്വിയെയാണ് അദ്ദേഹം പരാമര്ശിച്ചത്. മല്സരത്തില് വെറും 105 റണ്സിന് പാകിസ്താന് ഓള്ഔട്ടായിരുന്നു. വിന്ഡീസ് വെറും 13.4 ഓവറില് ലക്ഷ്യത്തിലെത്തുകയും ചെയ്തു.
നിര്ഭാഗ്യകരമെന്ന് സര്ഫ്രാസ്
നല്ല പ്രകടനം നടത്തിയിട്ടും ലോകകപ്പിന്റെ സെമി ഫൈനലിലെത്താതെ പുറത്തായത് നിര്ഭാഗ്യകരമാണെന്ന് സര്ഫ്രാസ് പറഞ്ഞു. വിന്ഡീസിനെതിരായ കളിയിലെ പരാജയത്തിന് വലിയ വിലയാണ് നല്കേണ്ടിവന്നത്.
ഇന്ത്യയോട് തോറ്റ ശേഷം ശക്തമായ തിരിച്ചുവരവാണ് ടീം നടത്തിയത്. ബാറ്റിങ്, ബൗളിങ്, ഫീല്ഡിങ് ഇവയിലെല്ലാം ടീം മികച്ച പ്രകടനം കാഴ്ചവച്ചതായും അദ്ദേഹം വിശദമാക്കി.
ഇനിയെന്ത്?
ലോകകപ്പിന്റെ സെമി ഫൈനല് കാണാതെ പുറത്തായതോടെ ഇനി ഇതേക്കുറിച്ച് ചര്ച്ച നടത്തി ഭാവി കാര്യങ്ങള് ആസൂത്രണം ചെയ്യുമെന്ന് സര്ഫ്രാസ് വ്യക്തമാക്കി. അടുത്ത രണ്ടു മാസം പാക് ടീമിന് മല്സരങ്ങളില്ല. നിലവില് ടീം വിജയിച്ചു കൊണ്ടിരിക്കുന്നതിനാല് വലിയ പ്രശ്നങ്ങളൊന്നുമില്ല. ഇമാം, ബാബര്, ഹാരിസ് എന്നീ ബാറ്റ്സ്മാന്മാര്ക്കും ആമിര്, ഷതാബ്, വഹാബ്, ഷഹീന് തുടങ്ങിയ ബൗളര്മാര്ക്കുമാണ് ഇതിന്റെ ക്രെഡിറ്റെന്നും പാക് നായകന് കൂട്ടിച്ചേര്ത്തു.