Click it and Unblock the Notifications
സഞ്ജു സാംസണ്‍
ഇന്ത്യയുടെ ടി20 ലോകകപ്പിനുള്ള ടീമില്‍ ഇടം നേടാന്‍ സാധ്യതയുള്ള താരങ്ങളിലൊരാളായിരുന്നു സഞ്ജു സാംസണ്‍. എന്നാല്‍ ഇപ്പോള്‍ സഞ്ജു ടി20 ലോകകപ്പ് ടീമില്‍ ഇടം നേടാന്‍ സാധ്യത വളരെ കുറവാണ്. അതിനുള്ള കാരണം സഞ്ജു സാംസണിന്റെ മോശം പ്രകടനം തന്നെയാണ്. ഇന്ത്യക്കൊപ്പം ലഭിച്ച അവസരങ്ങളെ വേണ്ടവിധം സഞ്ജുവിന് മുതലാക്കാനായില്ല. ഈ വര്‍ഷം അഞ്ച് ഇന്നിങ്‌സില്‍ ബാറ്റ് ചെയ്ത് 44ന് മുകളില്‍ ശരാശരിയില്‍ റണ്‍സ് നേടിയെങ്കിലും മറ്റ് താരങ്ങളുടെ പ്രകടനവുമായി താരതമ്യപ്പെടുത്തുമ്പോള്‍ സഞ്ജുവിന് ടീമിന് വെളിയില്‍ നില്‍ക്കേണ്ട അവസ്ഥയാണുള്ളത്.
ദേവ്ദത്ത് പടിക്കല്‍
ഐപിഎല്ലിലെ വണ്‍ സീസണ്‍ വണ്ടറായി ദേവ്ദത്ത് പടിക്കല്‍ ഒതുങ്ങിപ്പോയി. ഇടം കൈയന്‍ ഓപ്പണര്‍ ഇന്ത്യക്ക് വലിയ പ്രതീക്ഷ നല്‍കിയെങ്കിലും ലഭിച്ച അവസരങ്ങളെ മുതലാക്കുന്നതില്‍ പരാജയപ്പെട്ടു. ശ്രീലങ്കന്‍ പരമ്പരയില്‍ അവസരം ലഭിച്ചപ്പോള്‍ പ്രതീക്ഷക്കൊത്ത് ഉയരാന്‍ ദേവ്ദത്തിനായില്ല. അവസാന ഐപിഎല്ലിലെ ദേവ്ദത്തിന്റെ പ്രകടനവും മോശമായിരുന്നു. അതുകൊണ്ട് തന്നെ ടി20 ലോകകപ്പിനുള്ള ഇന്ത്യന്‍ ടീമിലേക്ക് അദ്ദേഹത്തെ പരിഗണിക്കാന്‍ സാധ്യതയില്ല. ലഭിച്ച അവസരങ്ങളെ വേണ്ടവിധം താരത്തിന് ഉപയോഗിക്കാന്‍ സാധിച്ചില്ല.
IND vs PAK: 100 % ജയം ഏതെങ്കിലും ക്യാപ്റ്റനുണ്ടോ?, മൂന്ന് പേര്‍ക്കുണ്ട്, ഒരേ ഒരു ഇന്ത്യക്കാരന്‍
പൃഥ്വി ഷാ
വെടിക്കെട്ട് ഓപ്പണറെന്ന നിലയില്‍ പേരെടുത്ത പൃഥ്വി ഷായെ ഇന്ത്യ ടി20 ലോകകപ്പിലേക്ക് പരിഗണിക്കണമായിരുന്നുവെന്ന് അഭിപ്രായപ്പെടുന്നവര്‍ ഏറെയാണ്. തുടക്കം മുതല്‍ ആക്രമിച്ച് കളിക്കുന്ന താരം ടി20 ഫോര്‍മാറ്റിലെ വളരെ അപകടകാരിയായ താരമാണ്. എന്നാല്‍ ലഭിച്ച അവസരങ്ങളെ മുതലാക്കാന്‍ അദ്ദേഹത്തിന് സാധിക്കാതെ വന്നതോടെ ടി20 ലോകകപ്പില്‍ പരിഗണിക്കപ്പെടുന്നവരുടെ പട്ടികയില്‍ നിന്നും അദ്ദേഹം തഴയപ്പെട്ടു. സ്ഥിരതയില്ലാത്തതാണ് പ്രശ്‌നം. അവസാന ഐപിഎല്ലിലും തുടര്‍ന്ന് നടന്ന ആഭ്യന്തര ക്രിക്കറ്റിലും ശരാശരി പ്രകടനം മാത്രമാണ് പൃഥ്വിക്ക് നടത്താനായത്.
ഇഷാന് കിഷന്‍
ഇന്ത്യയുടെ ടി20 ലോകകപ്പ് ടീമില്‍ സ്ഥാനം ഉറപ്പിച്ച താരങ്ങളിലൊരാളായിരുന്നു ഇഷാന് കിഷന്‍. വിക്കറ്റ് കീപ്പര്‍ ബാറ്റ്‌സ്മാനെ ബാക്കപ്പ് ഓപ്പണറായാണ് ഇന്ത്യ കണ്ടിരുന്നത്. എന്നാല്‍ സമീപകാലത്ത് ലഭിച്ച അവസരങ്ങളിലൊന്നും തിളങ്ങാന്‍ ഇഷാന് സാധിച്ചിട്ടില്ല. അതുകൊണ്ട് തന്നെ അദ്ദേഹത്തെ നിലവില്‍ ഇന്ത്യ തഴഞ്ഞിരിക്കുകയാണ്. ഫിഫ്റ്റിയോടെ അരങ്ങേറ്റം തകര്‍ത്ത ഇഷാന് സ്ഥിരതയോടെ കളിക്കാനാവുന്നില്ല. അതുകൊണ്ട് തന്നെ ഇഷാന് ഇന്ത്യയുടെ ടി20 ലോകകപ്പ് ടീമില്‍ ഇടം പിടിക്കാനുള്ള സാധ്യത കുറവാണ്. ഏഷ്യാ കപ്പിനുള്ള ടീമിലും ഇഷാന് ഇടമില്ല.
ASIA CUP: സ്ഥിരം വേട്ടമൃഗം 'ബംഗ്ലാദേശ്', ശ്രീലങ്കയോട് കട്ടക്ക് കട്ട, ഇന്ത്യയുടെ കണക്കുകളറിയാം
റുതുരാജ് ഗെയ്ക് വാദ്
ഐപിഎല്ലിലെ റണ്‍വേട്ടക്കാരില്‍ തലപ്പത്തെത്തി എല്ലാവരെയും ഞെട്ടിച്ച യുവ പ്രതിഭയാണ് റുതുരാജ് ഗെയ്ക് വാദ്. ഓപ്പണറായ താരത്തെ ഇന്ത്യയും ടീമിലേക്ക് പരിഗണിച്ചെങ്കിലും അവസരങ്ങള്‍ വേണ്ടവിധം ഉപയോഗിക്കാനായില്ല. ദക്ഷിണാഫ്രിക്കന്‍ പര്യടനത്തില്‍ അഞ്ച് മത്സരങ്ങളില്‍ ഒരുമത്സരത്തില്‍ മാത്രമാണ് താരത്തിന് തിളങ്ങാനായത്. അതുകൊണ്ട് തന്നെ ടി20 ലോകകപ്പിനുള്ള ഇന്ത്യന്‍ ടീമില്‍ ഗെയ്ക് വാദും അവസരം പ്രതീക്ഷിക്കേണ്ട.
