ലോകകപ്പിനുള്ള ഇന്ത്യന്‍ ടീമിനെ തെരഞ്ഞെടുത്ത് മഞ്ജരേക്കര്‍; ഒരു കളിക്കാരനെ ഒഴിവാക്കി

കെഎല്‍ രാഹുലും വിജയ് ശങ്കറും

അതേസമയം, ഫോമിലല്ലാത്ത കെഎല്‍ രാഹുലിനെ മഞ്ജരേക്കര്‍ പിന്തുണയ്ക്കുന്നുണ്ട്. സ്ഥിരം ഓപ്പണര്‍മാരായ രോഹിത് ശര്‍മ, ശിഖര്‍ ധവാന്‍ സഖ്യത്തിന് പകരക്കാരനായാണ് രാഹുലിന് ഇടം നല്‍കിയത്. മറ്റു കളിക്കാരില്‍ കാര്യമായ മാറ്റം വരുത്താന്‍ മഞ്ജരേക്കര്‍ തയ്യാറായിട്ടില്ല. എന്നാല്‍, യുവതാരം വിജയ് ശങ്കറിനെ നാലം നമ്പറില്‍ ഇറക്കണമെന്ന അഭിപ്രായം മുന്‍താരം പങ്കുവെച്ചു.

വിജയ് ശങ്കര്‍ നാലാം നമ്പറില്‍

സ്ട്രൈക്ക് കൈമാറുനുള്ള കഴിവും സിക്സറുകള്‍ പറത്തി റണ്‍നിരക്ക് നിലനിര്‍ത്താനുള്ള മികവും നാലാം നമ്പറിന് യോജിച്ചതാണെന്ന് മഞ്ജരേക്കര്‍ വിലയിരുത്തി. ബൗളിങ്ങില്‍ വിജയിക്ക് കൂടുതല്‍ അവസരം നല്‍കണമെന്നും നിര്‍ദ്ദേശിക്കുന്നു. ഹാര്‍ദിക് പാണ്ഡ്യയുടെ ഒഴിവില്‍ ഇന്ത്യന്‍ ടീമില്‍ കളിക്കുന്ന വിജയ് കിട്ടിയ അവസരം മുതലെടുത്തുകഴിഞ്ഞു. ഓസ്‌ട്രേലിയയ്‌ക്കെതിരായ രണ്ടാം ഏകദിനത്തില്‍ വിജയ് നിര്‍ണായക ഇന്നിങ്സ് കളിച്ച് ഇന്ത്യയുടെ വിജയത്തിന് പങ്കുവഹിക്കുകയും ചെയ്തിരുന്നു.

മഞ്ജരേക്കറുടെ ടീം

മഞ്ജരേക്കറുടെ ലോകകപ്പ് ടീം, ശിഖര്‍ ധവാന്‍, രോഹിത് ശര്‍മ, വിരാട് കോലി, വിജയ് ശങ്കര്‍, എംഎസ് ധോണി, കേദാര്‍ ജാദവ്, ഹാര്‍ദിക് പാണ്ഡ്യ, കുല്‍ദീപ് യാദവ്, യുസ് വേന്ദ്ര ചാഹല്‍, ജസ്പ്രീത് ബുംറ, മുഹമ്മദ് ഷമി, ഭുവനേശ്വര്‍ കുമാര്‍, ഋഷഭ് പന്ത്, രവീന്ദ്ര ജഡേജ, കെഎല്‍ രാഹുല്‍.