ടീമിനെ സന്തുലിതമാക്കും
ഏകദിനത്തില് സൗരവ് ഗാംഗുലി ഇന്ത്യയെ നയിച്ചപ്പോള് ദ്രാവിഡിനെ ഇന്ത്യ വിക്കറ്റ് കീപ്പറായും ബാറ്റ്സ്മാനായും പരീക്ഷിച്ചതു പോലെ രാഹുലിനെയും ഈ സ്ഥാനങ്ങളില് ടീമിന് പരീക്ഷിക്കാവുന്നതാണെന്ന് ബാംഗര് പറയുന്നു. രാഹുലിനെ ഓപ്പണറും വിക്കറ്റ് കീപ്പറുമാക്കിയാല് അത് ടീമിനെ കൂടുതല് സന്തുലിതമാക്കുമെന്നും അദ്ദേഹം കൂട്ടിച്ചേര്ത്തു.
ഈ ലോകകപ്പില് നാലാം നമ്പര് പൊസിഷനിലാണ് ദക്ഷിണാഫ്രിക്കയ്ക്കെതിരേ രാഹുലിനെ ഇന്ത്യ ഇറക്കിയത്. മോശമല്ലാത്ത പ്രകടനവും താരം കാഴ്ചവച്ചിരുന്നു. ഇന്ന് ന്യൂസിലാന്ഡിനെതിരേ രോഹിത് ശര്മയുടെ ഓപ്പണിങ് പങ്കാളിയാണ് അദ്ദേഹം
വ്യത്യസ്ത പൊസിഷനുകള്
വ്യത്യസ്തമായ പൊസിഷനുകളില് കളിക്കാന് കഴിയുന്നത് മല്സരത്തെക്കുറിച്ച് കൂടുതല് മനസ്സിലാക്കാന് സഹായിക്കുമെന്ന് ബാംഗര് അഭിപ്രായപ്പെട്ടു.
മധ്യനിരയില് കളിച്ചു കൊണ്ടിരിക്കുന്ന ഒരു താരത്തിന് പെട്ടെന്ന് മുന്നിരയിലേക്ക് മാറ്റം ലഭിച്ചാല് അത് വെല്ലുവിളിയാണെന്ന് നിങ്ങള്ക്കറിയാം. ന്യൂബോളിനെ നേരിടാന് സാധിക്കുക മാത്രമല്ല ബൗണ്ടറികള് നേടാന് കൂടുതല് അവസരങ്ങള് ലഭിക്കുകയും ചെയ്യുമെന്നും അദ്ദേഹം വിശദമാക്കി.
ദ്രാവിഡ് തന്നെ ഉദാഹരണം
പല പൊസിഷനുകളിലും റോളിലും ഇന്ത്യ പരീക്ഷിച്ചു വിജയിച്ച താരങ്ങളെ നോക്കിയാല് അക്കൂട്ടത്തില് മുന്നില് ഇതിഹാസമായ ദ്രാവിഡായിരിക്കുമെന്ന് ബാംഗര് ചൂണ്ടിക്കാട്ടി. ഏതു റോളും വിശ്വസിച്ച് ഏല്പ്പിക്കാന് പറ്റിയ കളിക്കാരനായിരുന്നു ദ്രാവിഡ്. അത് ടീമിനെ പല പ്രതിസന്ധി ഘട്ടങ്ങളിലും സഹായിച്ചിട്ടുമുണ്ട്.
മധ്യനിരയില് കളിച്ചു കൊണ്ടിരിക്കുന്ന ഒരാള്ക്ക് മുന്നിരയിലേക്ക് മാറ്റം ലഭിച്ചാല് രണ്ടു പൊസിഷനുകളിലുമുള്ള വെല്ലുവിളികളെക്കുറിച്ച് നല്ല ബോധ്യമുണ്ടാവുമെന്നും അതിന് അനുസരിച്ച് കളിക്കാന് കഴിയുമെന്നും ബാംഗര് പറഞ്ഞു.