Click it and Unblock the Notifications
ഭാംഗ്രയുമായി പ്രീതിയും കറനും
മത്സരം കഴിഞ്ഞയുടന്‍ മൈതാനത്തിറങ്ങിയ പ്രീതി സിന്റ ടീം അംഗങ്ങളെയെല്ലാം പ്രത്യേകമായി അഭിനന്ദിച്ചു. ഇതിനിടെ സാം കറനൊപ്പം പ്രീതി ഭാംഗ്ര നൃത്തച്ചുവടുകളും വെച്ചു. താരത്തെ വിടാതെ കെട്ടിപ്പിടിച്ച് അഭിനന്ദിക്കാനും പ്രീതി മടിച്ചില്ല. ഐപിഎല്ലിന്റെ എല്ലാ സീസണുകളിലും കളിയുടെ ആവേശമേറ്റെടുത്ത് സ്റ്റേഡിയത്തിലും മൈതാനത്തും പ്രീതി എത്താറുണ്ട്.
ഗോസിപ്പ് കോളങ്ങളിലെ സാന്നിധ്യം
കളിക്കാരുമായി ആത്മബന്ധം സ്ഥാപിക്കുന്ന ബോളിവുഡ് താരം ഗോസിപ്പ് കോളങ്ങളില്‍ സ്ഥാനം പിടിക്കുന്നതും പതിവാണ്. യുവരാജ് സിങ് അടക്കമുള്ള കിങ്‌സ് ഇലവന്‍ കളിക്കാരുമായി ചേര്‍ത്ത് പ്രീതിക്കെതിരെ പ്രണയഗോസിപ്പുകള്‍ ഇറങ്ങിയിരുന്നു. ഇത്തവണയും താരം പതിവുതെറ്റിച്ചില്ല. ഐപിഎല്‍ പാര്‍ട്ടികളിലെ ആഘോഷങ്ങളില്‍ മറ്റു ബോളിവുഡ് നടിമാരും സ്ഥിര സാന്നിധ്യമാണ്.
വരവറിയിച്ച് സാം കറന്
ഐപിഎല്ലിലെ പുതുമുഖമാണ് ഇംഗ്ലണ്ട് താരമായ സാം കറന്. ആദ്യ മൂന്നു മത്സരങ്ങള്‍കൊണ്ടുതന്നെ ഐപിഎല്ലുമായി ഇഴുകിച്ചേരാന്‍ കറന് കഴിഞ്ഞെന്നത് ഭാംഗ്ര നൃത്തത്തിലൂടെ വെളിവാകുന്നു. ഹാട്രിക്കിനെക്കുറിച്ച് തനിക്ക് അറിവുണ്ടായിരുന്നില്ലെന്നാണ് മത്സരശേഷം കറന് പറഞ്ഞത്. മുഹമ്മദ് ഷമിയുടെ ഓവറുകള്‍ തനിക്ക് സമ്മര്‍ദ്ദമില്ലാതെ എറിയാന്‍ സഹായകരമായെന്നും താരം പറഞ്ഞു.
