രോഹിത് വേറെ ലെവലാണ്
പാക്കിസ്ഥാനെക്കാള് ഉയര്ന്ന നിലവാരത്തിലുള്ളതായിരുന്നു ഇന്ത്യയുടെ കളിയെന്ന് സച്ചിന് പറഞ്ഞു. ഇന്ത്യന് താരങ്ങളെയെല്ലാം പുകഴ്ത്തിയ സച്ചിന് രോഹിത്തിന്റെ ബാറ്റിങ് മികവ് എടുത്തുകാട്ടി പ്രശംസിച്ചു. ലോകകപ്പില് രോഹിത് ശര്മയുടെ ബാറ്റിങ് മറ്റൊരു ലെവലിലാണെന്ന് സച്ചിന് പറഞ്ഞു. മൂന്ന് ഇന്നിങ്സുകളില്നിന്നായി രോഹിത് 319 റണ്സാണ് ഇതുവരെ അടിച്ചെടുത്തത്. ടോപ് സ്കോറര്മാരുടെ പട്ടികയില് രണ്ടാം സ്ഥാനത്താണ് താരം ഇപ്പോള്.
സ്ഥിരതയാര്ന്ന പ്രകടനം
രോഹിത്തിന്റെ സ്ഥിരത അതിശയിപ്പിക്കുന്നതാണെന്ന് സച്ചിന് വിലയിരുത്തി. കൂടുതല് റിക്സ് ഷോട്ട് കളിക്കാതിരിക്കുമ്പോള് തന്നെ മികച്ച സ്ട്രൈക്ക് റേറ്റ് ആയിരുന്നു രോഹിത്തിന്റേത്. രണ്ടു തവണ റണ്ണൗട്ടില്നിന്നും രക്ഷപ്പെട്ടിരുന്നു. രോഹിത്തിന് നാലാമത്തെ ഡബിള് സെഞ്ച്വറിയും അകലെയല്ലായിരുന്നു. രോഹിത് ഫോമിലായിക്കഴിഞ്ഞാല് എവിടെ പന്തെറിയണമെന്നത് കണ്ഫ്യൂഷനാണെന്നും സച്ചിന് പറയുന്നുണ്ട്.
ഇന്ത്യയുടെ വിജയം
പാക്കിസ്ഥാനെതിരെ 140 റണ്സെടുത്താണ് രോഹിത് പുറത്തായത്. രോഹിത്തിന്റെ മികവില് ഇന്ത്യ ഉയര്ത്തിയ 337 റണ്സെന്ന വിജയലക്ഷ്യം പിന്തുടര്ന്ന പാകിസ്ഥാന് ഇടയ്ക്ക് മഴ വില്ലനായതോടെ വിജയലക്ഷ്യം 40 ഓവറില് 302 റണ്സായി പുനര്നിശ്ചയിക്കുകയായിരുന്നു. എന്നാല് നിശ്ചിത 40 ഓവറില് പാകിസ്ഥാന് ആറുവിക്കറ്റിന് 212 റണ്സെടുക്കാനേ സാധിച്ചുള്ളൂ. കെഎല് രാഹുല് 78 പന്തില് 57 റണ്സെടുത്ത് മികച്ച പ്രകടനമാണ് നടത്തിയത്. 65 പന്തില് 77 റണ്സെടുത്ത കോലി ഇന്ത്യന് ഇന്നിംഗ്സ് 300 കടത്തി.