2006ലെ ഇന്ത്യയുടെ പാകിസ്താന് പര്യടനത്തിലാണ് അക്തറിനെതിരേ ബാറ്റ് ചെയ്യാന് സച്ചിന് വിഷമിച്ചിരുന്നതായി ആസിഫ് അഭിപ്രായപ്പെട്ടത്. കറാച്ചിയില് നടന്ന ടെസ്റ്റില് അക്തറിന്റെ ബൗണ്സറുകള്ക്കു മുന്നില് സച്ചിന് കണ്ണടയ്ക്കുന്നത് താന് കണ്ടിരുന്നതായി ആസിഫ് വെളിപ്പെടുത്തിയത്.
അന്നു മൂന്നു മല്സരങ്ങളുടെ പരമ്പര പാകിസ്താന് 1-0നു നേടിയിരുന്നു. ആദ്യ രണ്ടു ടെസ്റ്റുകളും സമനിലയില് പിരിഞ്ഞപ്പോള് മൂന്നാമത്തെയും അവസാനത്തെയും ടെസ്റ്റില് 341 റണ്സിന്റെ വമ്പന് ജയവുമായി പാകിസ്താന് പരമ്പര പോക്കറ്റിലാക്കുകയായിരുന്നു.
2006ല് പാകിസ്താനില് പര്യടനം നടത്തിയ ഇന്ത്യയുടെ ബാറ്റിങ് നിര കരുത്തുറ്റതായിരുന്നുവെന്ന് ആസിഫ് അഭിപ്രായപ്പെട്ടു. രാഹുല് ദ്രാവിഡ് ഒരുപാട് റണ്സ് നേടിയിരുന്നു. മുള്ത്താനില് വീരേന്ദര് സെവാഗ് ഞങ്ങളെ തല്ലിച്ചതച്ചു. ഫൈസലാബാദ് ടെസ്റ്റില് ഇരുടീമുകളും 600 റണ്സിനു മുകളില് നേടിയിരുന്നു. പരമ്പരയ്ക്കു മുമ്പ് ഇന്ത്യയുടെ ബാറ്റിങ് ലൈനപ്പിനെക്കുറിച്ചോര്ത്ത് ഞങ്ങള്ക്കു ആശങ്കയുണ്ടായിരുന്നു. ഏഴോ, എട്ടോ നമ്പറില് എംഎസ് ധോണിയും അന്നു ഇന്ത്യക്കു വേണ്ടി കളിച്ചിരുന്നതായും ആസിഫ് പറയുന്നു.
ആദ്യ രണ്ടു ടെസ്റ്റുകളും സമനിലയില് അവസാനിച്ചതിനാല് മൂന്നാം ടെസ്റ്റ് ഇന്ത്യക്കും പാകിസ്താനും ഒരുപോലെ നിര്ണായകമായിരുന്നു. കറാച്ചിയിലായിരുന്നു ഈ ടെസ്റ്റ്. ഈ മല്സരത്തിലാണ് അക്തറിനു മുന്നില് പതറുന്നത് താന് നേരില് കണ്ടതായി ആസിഫ് വ്യക്തമാക്കിയത്.
കളി തുടങ്ങിയപ്പോള് തന്നെ ഇര്ഫാന് പഠാന് ഇന്ത്യക്കു വേണ്ടി ഹാട്രിക്ക് നേടിയപ്പോള് ഞങ്ങളുടെ ആത്മവിശ്വാസത്തിനു മങ്ങലേറ്റിരുന്നു. കമ്രാന് അക്മലിന്റെ സെഞ്ച്വറി ഞങ്ങളെ 240 റണ്സിലെത്തിക്കുകയും ചെയ്തു. ഇന്ത്യയുടെ ബാറ്റിങ് ആരംഭിച്ചപ്പോള് എക്സ്പ്രസ് വേഗത്തിലായിരുന്നു അക്തര് ബൗള് ചെയ്തത്. അംപയറുടെ അടുത്ത് സ്ക്വയര് ലെഗ്ഗിലായിരുന്നു താന് ഫീല്ഡ് ചെയ്തത്. അക്തറിന്റെ ഒന്നോ, രണ്ടോ ബൗണ്സറുകള്ക്കെതിരേ അന്നു സച്ചിന് കണ്ണുകള് അടയ്ക്കുന്നത് താന് നേരില് കണ്ടിരുന്നു. ഇന്ത്യ തുടക്കം മുതല് പ്രതിരോധത്തിലായിരുന്നു. ആദ്യ ഇന്നിങ്സില് 240 റണ്സ് പോലും നേടാന് അവരെ അനുവദിച്ചില്ലെന്നും ആസിഫ് വിശദമാക്കി.