സച്ചിന്‍ ക്രിക്കറ്റര്‍ മാത്രമല്ല, സിംഗറും!! പാടിയത് സോനു നിഗമിനോടൊപ്പം...വൈറലായി വീഡിയോ

മുംബൈ: ഇന്ത്യന്‍ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ പുതിയ റോളില്‍ ആരാധകരെ കൈയിലെടുക്കാന്‍ എത്തുന്നു. ഗാനാലാപനത്തിലാണ് സച്ചിന്‍ ഒരു കൈനോക്കുന്നത്. ക്രിക്കറ്റ് വാലി ബീറ്റ് എന്നു തുടങ്ങുന്നതാണ് ഗാനം. യൂട്യൂബിലൂടെ പുറത്തുവന്ന വീഡിയോ ഇതിനകം വൈറലായിക്കഴിഞ്ഞു.

ബോളിവുഡിലെ ശ്രദ്ധേയനായ ഗായകന്‍ സോനു നിഗമിനോടൊപ്പമാണ് സച്ചിന്‍ ഗാനമാലപിക്കുന്നത് എന്നതാണ് ശ്രദ്ധേയം. പ്രഫഷനല്‍ സിംഗറെപ്പോലെ വളരെ ഉജ്ജ്വലമായാണ് സച്ചിന്‍ പാടിയിരിക്കുന്നത്. ഗായകന്‍ സോനുവും സച്ചിനെ പ്രശംസിച്ചിട്ടുണ്ട്.

സോണി ചാനലില്‍ സംപ്രേക്ഷണം ചെയ്യുന്ന ഇന്ത്യന്‍ ഐഡല്‍ 9 എന്ന സംഗീത പരിപാടിയുടെ ഗ്രാന്റ് ഫിനാലെയ്ക്കു മുന്നോടിയായി തയ്യാറാക്കിയതാണ് സച്ചിനും സോനുവും ചേര്‍ന്ന് ആലപിച്ച ഗാനം.

വീഡിയോ കാണാം