Click it and Unblock the Notifications
ഓസീസിനെതിരായ ഒന്നം ക്രിക്കറ്റ് ടെസ്റ്റ് നമുക്ക് കടുപ്പമേറിയതായിരുന്നു. എന്നാല് ഇതെല്ലാം ക്രിക്കറ്റിന്റെ ഭാഗമാണ്. ആദ്യ മല്സരം തോറ്റെന്നു കരുതി പരമ്പര നഷ്ടമായിട്ടില്ല. ഇന്ത്യക്കു ഇനിയും തിരിച്ചുവരാന് അവസരമുണ്ട്- സച്ചിന് കോലിക്ക് അയച്ച സന്ദേശത്തില് പറയുന്നു.
ഇന്ത്യന് ടീമിന്റെ ആവേശം എത്രത്തോളമാണെന്ന് എനിക്കറിയാം. അതുകൊണ്ടു തന്നെ അടുത്ത കളിയില് അവര് ശക്തമായി തിരിച്ചടിക്കുമെന്ന് എനിക്കുറപ്പുണ്ട്. ഇത് ഓസീസ് ടീമിനു നന്നായറിയാം. പരമ്പരയിലെ ശേഷിക്കുന്ന മല്സരങ്ങളില് ഇന്ത്യന് ടീം ഉജ്ജ്വല തിരിച്ചുവരവ് നടത്തുമെന് തന്നെയാണ് വിശ്വസിക്കുന്നതെന്നും സച്ചിന് പറഞ്ഞു.
സച്ചിന് ഇന്ത്യന് ടീമിനെ പ്രചോദിപ്പിക്കാന് ശ്രമിക്കുമ്പോള് മറ്റൊരു ഇതിഹാസതാരമായ സുനില് ഗവാസ്കര് ടീമിനെ വിമര്ശിക്കുകയാണ് ചെയ്തത്. ചായക്കു ശേഷം ഒന്നര മണിക്കൂറിനുള്ളില് ഇന്നിങ്സ് അവസാനിപ്പിക്കേണ്ടി വരികയെന്നത് അവിശ്വസനീയമാണ്. ഇന്ത്യന് ടീം അശ്രദ്ധയോടെയാണ് കളിച്ചതെന്ന് ഇതില് നിന്നു വ്യക്തമാണെന്നും അദ്ദേഹം ചൂണ്ടിക്കാട്ടി.
വെറും രണ്ടര ദിവസം കൊണ്ട് ഇന്ത്യ ഇതിനു മുമ്പ് ടെസ്റ്റില് പരാജയപ്പെട്ടത് എനിക്ക് ഓര്മ പോലും വരുന്നില്ല. ഓസീസ് സ്പിന്നര്മാര്ക്കെതിരേ ഇന്ത്യന് താരങ്ങള് കളിച്ചത് എന്നെ അദ്ഭുതപ്പെടുത്തി. ഇന്ത്യന് ടീം പൊരുതാന് പോലും തയ്യാറാവാതിരുന്നത് നിരാശപ്പെടുത്തുക തന്നെ ചെയ്തു. ഇന്ത്യയുടെ ഏറ്റവും ദയനീയ പരാജയങ്ങളിലൊന്നാണിതെന്നും ഗവാസ്കര് വിലയിരുത്തി.
പൂനെ ആദ്യമായി ആതിഥേയത്വം വഹിച്ച ടെസ്റ്റില് ഓസ്ട്രേലിയയോട് 333 റണ്സിന്റെ വന് പരാജയമാണ് ഇന്ത്യ ഏറ്റുവാങ്ങിയത്. രണ്ടിന്നിങ്സിലും 150 റണ്സ് പോലും തികയ്ക്കാനാവാതെയാണ് ഇന്ത്യ പുറത്തായത്. സ്പിന്നര് സ്റ്റീവ് ഒ കീഫെ രണ്ടിന്നിങ്സുകളിലായി 12 വിക്കറ്റുകളാണ് കൈക്കലാക്കിയത്.
Continue with Google