Click it and Unblock the Notifications
ജയം നേടാന് ഹൈദരാബാദ്
മറുവശത്ത് ഒരുജയവും ഒരു തോല്വിയുമായി ഹൈദരാബാദ് കളിക്കിറങ്ങുന്നു. രാജസ്ഥാന് റോയല്സിന്റെ 198 എന്ന വിജയലക്ഷ്യം അനായാസം മറികടന്നതിന്റെ ആത്മവിശ്വാസം ടീമിനുണ്ടാകും. ആദ്യ രണ്ട് മത്സരത്തിലും അര്ധസെഞ്ച്വറി നേടിയ ഡേവിഡ് വാര്ണര് ഒരിക്കല്ക്കൂടി തിളങ്ങിയാല് ടീമിന് ജയിച്ചുകയറാം. റാഷിദ് ഖാനും ഭുവനേശ്വര് കുമാറും നയിക്കുന്ന ബൗളിങ്ങും ഹൈദരാബാദിന് മേല്ക്കൈ നല്കുന്നു.
അഴിച്ചുപണിയുമായി ബാംഗ്ലൂര്
ആദ്യ രണ്ട് മത്സരത്തിലും തോല്വി പിണഞ്ഞതിനാല് അഴിച്ചുപണിയുമായിട്ടാകും ബാംഗ്ലൂര് മൂന്നാം മത്സരത്തിനിറങ്ങുക. വന് തുകയ്ക്ക് വെസ്റ്റിന്ഡീസില്നിന്നും എത്തിയ ഷിമ്രോണ് ഹെറ്റ്മെയര് രണ്ട് മത്സരത്തിലും പരാജയമായത് ടീമിന് തിരിച്ചടിയാണ്. ഒരവസരംകൂടി ഹെറ്റ്മെയര്ക്ക് നല്കാനാണ് സാധ്യത. മറുവശത്ത് രാജസ്ഥാനെതിരെ ജയിച്ച ടീമില് ഹൈദരാബാദ് കാര്യമായ മാറ്റം വരുത്താനിടയില്ല.
ഇരു ടീമുകളും ഏറ്റുമുട്ടിയപ്പോള്
ബാറ്റിങ് വിക്കറ്റില് ടോസ് നേടുന്ന ടീം ആദ്യം ബാറ്റുചെയ്യാനിറങ്ങുന്നത് ഗുണം ചെയ്യും. എത്രവലിയ സ്കോറും പിന്തുടരാവുന്ന തരത്തിലുള്ളതാണ് ഹൈദരാബാദിലെ പിച്ച്. ഡേ നൈറ്റ് മത്സരത്തിന്റെ ആനുകൂല്യമുള്ളതിനാല് രണ്ടാമത് ബാറ്റ് ചെയ്യുന്ന ടീമിനായിരിക്കും ജയസാധ്യത. ഇരു ടീമുകളും നേരത്തെ 13 തവണ ഏറ്റുമുട്ടിയപ്പോള് 7 തവണ ജയം ഹൈദരാബാദിനൊപ്പമായിരുന്നു. 5 തവണ ബാംഗ്ലൂര് ജയിച്ചു. ഒരു മത്സരം ഫലമില്ലാതായി.
Continue with Google