രോഹിത്തിന്റെ ഏകദിന സ്കോര്
ഏകദിന ക്രിക്കറ്റിലും രോഹിത് വമ്പന് സ്കോറുകള് നേടിയിട്ടുണ്ട്. ഏകദിനത്തില് മൂന്ന് ഡബിള് സെഞ്ച്വറികള് നേടിയ മറ്റൊരുതാരമില്ല. ഏകദിനത്തിലെ ഉയര്ന്ന സ്കോറും രോഹിത്തിന്റെ പേരിലാണ്. 201 മത്സരങ്ങളില്നിന്നും ഇതുവരെ 7808 റണ്സ് സ്വന്തമാക്കി. 27 ടെസ്റ്റുകള് കളിച്ച താരം 3 ശതകങ്ങള് ഉള്പ്പെടെ 1585 റണ്സും നേടിയിട്ടുണ്ട്.
ന്യൂസിലന്ഡിനെതിരെ ജയം
രോഹിത്തിന്റെ മികവിലാണ് ന്യൂസിലന്ഡിനെതിരായ രണ്ടാം ടി20യില് ഇന്ത്യ ജയം സ്വന്തമാക്കിയത്. രോഹിത് 29 പന്തില് 50 റണ്സെടുത്തു. ന്യൂസിലന്ഡ് ഉയര്ത്തിയ 159 എന്ന വിജയലക്ഷ്യം ഇന്ത്യ 18.5 ഓവറിലാണ് മറികടന്നത്. രോഹിത്തിനെ കൂടാതെ ശിഖര് ധവാന് 31 പന്തില് 30 റണ്സെടുത്തു. മൂന്നാമനായിറങ്ങിയ ഋഷഭ് പന്ത് 28 പന്തില് നിന്നും 36 റണ്സെടുത്തു. വിജയ് ശങ്കര് 14 റണ്സെടുത്തപ്പോള് ധോണി 20 റണ്സും സ്വന്തമാക്കി.
പരമ്പരയില് ഒപ്പത്തിനൊപ്പം
ജയത്തോടെ ഇന്ത്യ മൂന്നു മത്സര പരമ്പരയില് 1-1 എന്ന നിലയില് ഒപ്പമെത്തി. ന്യൂസിലന്ഡില് ഇന്ത്യ ആദ്യമായാണ് ഒരു ടി20 മത്സരം ജയിക്കുന്നതെന്ന പ്രത്യേകത കൂടിയുണ്ട്. നേരത്തെ കോളിന് ഡി ഗ്രാന്ഡ്ഹോമിയുടെ വെടിക്കെട്ട് ബാറ്റിങ്ങിലാണ് ആതിഥേയര് മാന്യമായ സ്കോര് കണ്ടെത്തിയത്. ഗ്രാന്ഡ്ഹോം 28 പന്തില് 50 റണ്സെടുത്തപ്പോള് റോസ് ടെയ്ലര് 36 പന്തില് 42 റണ്സെടുത്തു.