രോഹിത് ഭായിയുടെ ഉപദേശം
ടീമിന്റെ വൈസ് ക്യാപ്റ്റന് കൂടിയായ രോഹിത് ശര്മയുടെ ഉപദേശമാണ് തന്റെ ഇന്നിങ്സിനു പിന്നിലെന്നു ദുബെ പറയുന്നു. മൂന്നാം നമ്പറില് ബാറ്റ് ചെയ്യാന് അവസരം ലഭിച്ചപ്പോള് വലിയ സമ്മര്ദ്ദം തോന്നിയിരുന്നു. അപ്പോഴാണ് രോഹിത് ഭായി തന്നെ ഉപദേശിക്കുന്നത്. ശാന്തനായിരിക്കാനും സ്വന്തം കഴിവില് വിശ്വാസമര്പ്പിക്കാനും അദ്ദേഹം ആവശ്യപ്പെട്ടു.
ബാറ്റിങിനിറങ്ങിയ ശേഷം ഒരു സിക്സര് നേടിയതോടെയാണ് താളം വീണ്ടു കിട്ടിയത്. പിന്നീട് സ്വതസിദ്ധമായ ശൈലിയില് കളിക്കുകയും ചെയ്തു. ഏതു ഗ്രൗണ്ടിലും അനായാസം ഷോട്ടുകള് കളിക്കാനുള്ള കഴിവില് ഉറച്ചുവിശ്വസിക്കുന്നു, അതു തന്നെയാണ് തന്റെ ഏറ്റവും വലിയ കരുത്തെന്നും ദുബെ വിശദമാക്കി.
ഇന്ത്യ തിരിച്ചുവരും
തന്റെ ഇന്നിങ്സിനും മല്സരത്തില് ടീമിനെ വിജയിപ്പിക്കാന് കഴിയാത്തതില് നിരാശയുണ്ടെന്നു ദുബെ പറഞ്ഞു. വിന്ഡീസിന്റെ ചില ക്യാച്ചുകള് നഷ്ടപ്പെടുത്തിയത് ടീമിനു തിരിച്ചടിയായെന്നും അവസാന കളിയില് ജയിച്ച് ഇന്ത്യ ശക്തമായ തിരിച്ചുവരവ് നടത്തുമെന്നും താരം വ്യക്തമാക്കി.
ക്യാച്ചുകള് പാഴാക്കിയത് കളിയില് നിര്ണായകമായി മാറി. എന്നാല് ഇതൊക്കെ മല്സരത്തിന്റെ ഭാഗം തന്നെയാണ്. വിന്ഡീസും ചില ക്യാച്ചുകള് നഷ്ടപ്പെടുത്തിയിരുന്നു. മികച്ച ടോട്ടല് തന്നൊയായിരുന്നു ഇന്ത്യ നേടിയത്. പക്ഷെ ലഭിച്ച അവസരങ്ങള് മുതലെടുക്കാന് ടീമിനു കഴിഞ്ഞില്ല. വളരെ മികച്ച ടീം തന്നെയാണ് ഇന്ത്യയുടേത്. അവസാന മല്സരം ജയിച്ച് പരമ്പര സ്വന്തമാക്കാന് ഇന്ത്യക്കു സാധിക്കുമെന്നും ദുബെ ആത്മവിശ്വാസം പ്രകടിപ്പിച്ചു.
എന്തു കൊണ്ട് ദുബെയെ ഇറക്കി?
ദുബെയെ മൂന്നാം നമ്പറില് ഇറക്കാനുള്ള കാരണത്തെക്കുറിച്ച് മല്സരശേഷം ഇന്ത്യന് നായകന് കോലി വെളിപ്പെടുത്തിയിരുന്നു. കാര്യവട്ടംഗ്രീന്ഫീല്ഡിലെ പിച്ച് സ്പിന്നര്മാരെ തുണയ്ക്കുന്നതായിരിക്കുമെന്ന് മനസ്സിലായതോടെയാണ് ശിവത്തെ മൂന്നാമനായി ഇറക്കിയത്. സ്പിന്നര്മാര്ക്കെതിരേ ആക്രമിച്ചു കളിക്കാന് എന്തു കൊണ്ടു ശിവത്തെ ഇറക്കിക്കൂടെന്ന് തോന്നി. ഈ പ്ലാന് വിജയിക്കുകയും ചെയ്തതായി കോലി കൂട്ടിച്ചേര്ത്തു.