ന്യൂസിന്ഡിനെതിരെ ഓപ്പണര് ആരാകും
ന്യൂസിലന്ഡിനെതിരായ മൂന്നാം മത്സരത്തില് രോഹിത് ശര്മയ്ക്കൊപ്പം ആരാണ് ഓപ്പണ് ചെയ്യുക എന്നത് ഇപ്പോഴും അറിവായിട്ടില്ല. ഓപ്പണര് ആയി മികവു തെളിയിച്ച കെ എല് രാഹുല് തന്നെയാകും ആ സ്ഥാനത്ത് എത്തുകയെന്നാണ് റിപ്പോര്ട്ട്. രാഹുലിനെ ലോകകപ്പ് ടീമില് ഉള്പ്പെടുത്തിയതും റിസര്വ് ഓപ്പണര് എന്ന നിലയിലാണ്. അതുകൊണ്ട് രാഹുലിനാകും ആകും ടീമിന്റെ പ്രഥമ പരിഗണന.
നാലാം സ്ഥാനം വീണ്ടും തലവേദന
ലോകകപ്പിലെ ആദ്യ രണ്ടു മത്സരങ്ങളിലും രാഹുല് നിരാശപ്പെടുത്തിയിട്ടില്ല. നാലാം നമ്പറില് ബാറ്റിങ്ങിനിറങ്ങിയ താരം ആദ്യ മത്സരത്തിലെ പ്രതികൂല സാഹചര്യത്തിലും പിടിച്ചുനിന്നിരുന്നു. രണ്ടാം മത്സരത്തിലും അവസാന പന്തുകളില് കൂറ്റനടികള് നടത്താന് രാഹുലിന് കഴിഞ്ഞു. അതുകൊണ്ടുതന്നെ രാഹുല് ഓപ്പണര് ആകുമ്പോള് നാലാം സ്ഥാനത്ത് ആരെ കളിപ്പിക്കുന്നത് എന്നതും ടീമിന് കീറാമുട്ടിയാണ്.
ഋഷഭ് പന്ത് ഓപ്പണറാകുമോ
വിജയ് ശങ്കര്, ദിനേഷ് കാര്ത്തിക് എന്നിവരാണ് നാലാം സ്ഥാനത്തിനായി ടീമിലുള്ളത്. വിജയ് ശങ്കര് ടീമിലെത്തിയാല് ഒരു ബൗളറുടെ അധികസേവനം ലഭിക്കും. ദിനേഷ് കാര്ത്തിക്കിന്റെ പരിചയസമ്പത്തും പ്രധാന ഘടകമാണ്. ധവാന് പകരമായി ഋഷഭ് പന്ത് ടീമിലെത്തിയാല് നാലാം സ്ഥാനത്തിന് അനുയോജ്യനാണ്. മാത്രമല്ല, രാഹുലിനെ നാലാം സ്ഥാനത്തുതന്നെ നിലനിര്ത്തി പന്തിനെ ഓപ്പണറാക്കി അപ്രതീക്ഷിത നീക്കം നടത്താനും ടീം മാനേജ്മെന്റ് ആലോചിക്കുന്നുണ്ട്. ഇടംകൈയ്യന് ബാറ്റ്സ്മാന് ആണെന്നത് പന്തിന്റെ സാധ്യതയും വര്ധിപ്പിക്കുന്നു.