ഇന്ത്യന് ക്രിക്കറ്റിന്റെ ഭാവി പന്തിന്റെ കൈയില്
ഇന്ത്യന് ക്രിക്കറ്റിന്റെ ഭാവി പന്തിന്റെ കൈകളിലാണെന്നു ലക്ഷ്മണ് അഭിപ്രായപ്പെട്ടു. സണ്റൈസേഴ്സ് ഹൈദരബാദിനെതിരായ എലിമിനേറ്റര് മല്സരത്തില് പന്തിന്റെ ഇന്നിങ്സിനെയാണ് അദ്ദേഹം പ്രശംസിച്ചത്.
കളിക്കളത്തില് പന്ത് കാണിക്കുന്ന പക്വത ഏറെ സന്തോഷം നല്കുന്നതാണ്. ഹൈദരാബാദിനെതിരായ കളിയില് ജയത്തിന് തൊട്ടരികില് വച്ച് പുറത്തായതില് അദ്ദേഹത്തിന് അല്പ്പം നിരാശയുണ്ടായിരിക്കാം. എങ്കിലും മാച്ച് വിന്നിങ് ഇന്നിങ്സാണ് പന്ത് പുറത്തെടുത്തതെന്ന് ലക്ഷ്മണ് ചൂണ്ടിക്കാട്ടി.
ഇന്ത്യയുടെ അടുത്ത സെവാഗ്
ഇന്ത്യയുടെ മുന് താരവും പ്രമുഖ കമന്റേറ്ററുമായ സഞ്ജയ് മഞ്ജരേക്കറിനും പന്തിനെക്കുറിച്ച് തികഞ്ഞ മതിപ്പാണുള്ളത്. പുതിയ ജനറേഷനിലെ വീരേന്ദര് സെവാഗെന്നാണ് പന്തിനെ മഞ്ജരേക്കര് വിശേഷിപ്പിച്ചത്. പന്തിന്റെ ആക്രമണോത്സുകതയെ അദ്ദേഹം പ്രശംസിച്ചു. പന്തിന്റെയത്ര കഴിവുള്ള താരങ്ങളെ വ്യത്യസ്തമായി തന്നെ പരിഗണിക്കണമെന്നും മഞ്ജരേക്കര് ആവശ്യപ്പെട്ടു.
റണ്വേട്ടയില് രണ്ടാമന്
ഈ സീസണില് ഡല്ഹിയെ ക്വാളിഫയര് 2 വരെയെത്തിക്കുന്നതില് നിര്ണായക പങ്കാണ് പന്ത് വഹിച്ചത്. ചില മല്സരങ്ങളില് അദ്ദേഹത്തിന്റെ മാച്ച് വിന്നിങ് ഇന്നിങ്സുകള് ഡല്ഹിയെ വിജയത്തിലേക്കു നയിച്ചിരുന്നു. സീസണില് ഡല്ഹിക്കായി ഏറ്റവുമധികം റണ്സെടുത്ത രണ്ടാമത്തെ താരവും പന്ത് തന്നെ.
16 മല്സരങ്ങളില് നിന്നും 37.54 ശരാശരിയില് 488 റണ്സാണ് പന്ത് അടിച്ചെടുത്തത്. 37 ബൗണ്ടറികളും 27 സിസ്കറുമടക്കമാണ് താരം ഇത്രയും റണ്സ് നേടിയത്. ഡല്ഹിക്കു വേണ്ടി കൂടുതല് സിക്സര് അടിച്ചതും പന്താണ്.