Click it and Unblock the Notifications
ഇംഗ്ലണ്ടിലും ഓസ്‌ട്രേലിയയിലും സെഞ്ച്വറികള്‍
കഴിഞ്ഞ ഇംഗ്ലണ്ട്, ഓസ്‌ട്രേലിയ പര്യടനങ്ങളില്‍ പന്ത് ഇന്ത്യക്കു വേണ്ടി ടെസ്റ്റില്‍ സെഞ്ച്വറികള്‍ നേടിയിരുന്നു. ഇതോടെ ഈ രണ്ടു രാജ്യങ്ങളിലും ടെസ്റ്റില്‍ സെഞ്ച്വറി കണ്ടെത്തിയ ആദ്യ വിക്കറ്റ് കീപ്പറെന്ന റെക്കോര്‍ഡും പന്ത് സ്വന്തമാക്കി. ധോണിക്ക് പോലും ഇങ്ങനെയൊരു റെക്കോര്‍ഡ് അവകാശപ്പെടാനില്ല.
ഓസീസിനെതിരേ ഇന്ത്യ ടെസ്റ്റ് പരമ്പര കൈക്കലാക്കിയപ്പോള്‍ റണ്‍വേട്ടയില്‍ രണ്ടാമനായതും പന്തായിരുന്നു.
ടെസ്റ്റിലെ റേറ്റിങ്
ടെസ്റ്റില്‍ ഏറ്റവുമധികം റേറ്റിങ് പോയിന്റ് ലഭിച്ച ഇന്ത്യന്‍ വിക്കറ്റ് കീപ്പറെന്ന റെക്കോര്‍ഡും പന്തിന്റെ പേരിലാണ്. കഴിഞ്ഞ ഓസ്‌ട്രേലിയന്‍ പര്യനത്തിലെ മിന്നുന്ന പ്രകടനമാണ് താരത്തെ ഈ നേട്ടത്തിലെത്തിച്ചത്. ഐസിസിയുടെ ക്രിക്കറ്റ് റേറ്റിങില്‍ 673 പോയിന്റാണ് പന്തിനുള്ളത്. 672 പോയിന്റെന്ന ധോണിയുടെ റെക്കോര്‍ഡ് പന്ത് തിരുത്തുകയായിരുന്നു. ഓസ്‌ട്രേലിയയിലെ പ്രകടനം താരത്തെ ടെസ്റ്റ് ബാറ്റിങില്‍ കരിയര്‍ ബെസ്റ്റ് റാങ്കായ 17 എത്തിക്കുകയും ചെയ്തിരുന്നു.
ഒരു ടെസ്റ്റില്‍ കൂടുതല്‍ ക്യാച്ചുകള്‍
ഒരു ടെസ്റ്റില്‍ കൂടുതല്‍ ക്യാച്ചുകളെടുത്ത ഇന്ത്യന്‍ വിക്കറ്റ് കീപ്പറും പന്ത് തന്നെ. ഓസ്‌ട്രേലിയന്‍ പര്യടനത്തിലെ ഒരു ടെസ്റ്റില്‍ രണ്ടിന്നിങ്‌സുകളിലായി 11 പേരെയാണ് പന്ത് വിക്കറ്റിനു പിന്നില്‍ പിടികൂടിയത്. ഇതോടെ താരം ലോക റെക്കോര്‍ഡിനൊപ്പമെത്തുകയും ചെയ്തു. ജാക്ക് റസ്സല്‍, എബി ഡിവില്ലിയേഴ്‌സ് എന്നിവര്‍ മാത്രമേ നേരത്തേ ഒരു ടെസ്റ്റില്‍ ഇത്രയും ക്യാച്ചുകളെടുത്തിട്ടുള്ളൂ.
ഐപിഎല്‍ സെഞ്ച്വറി
ടെസ്റ്റില്‍ മാത്രമല്ല നിശ്ചിത ഓവര്‍ ക്രിക്കറ്റിലും അപകടകാരിയായ ബാറ്റ്‌സ്മാനാണ് പന്ത്. കഴിഞ്ഞ സീസണിലെ ഐപിഎല്‍ തന്നെ ഇതിനു തെളിവാണ്. ഡല്‍ഹി ഡെയര്‍ഡെവിള്‍സിനു വേണ്ടി പന്ത് കഴിഞ്ഞ സീസണില്‍ തകര്‍പ്പന്‍ സെഞ്ച്വറിയുമായി മിന്നിയിരുന്നു. 63 ബോളില്‍ പുറത്താവാതെ 128 റണ്‍സാണ് പന്ത് വാരിക്കൂട്ടിയത്. ഐപിഎല്ലില്‍ അദ്ദേഹത്തിന്റെ കന്നി സെഞ്ച്വറി കൂടിയായിരുന്നു ഇത്.
