റെയ്‌ന ആയത് നന്നായി, ധോണിയെ തടഞ്ഞാല്‍ റിഷഭ് പന്ത് 'വിവരമറിഞ്ഞേനെ'!! മുന്നറിയിപ്പ്

റെയ്‌നയെ തടയാന്‍ ശ്രമിച്ചു

ചെന്നൈയുടെ ബാറ്റിങിനിടെയായിരുന്നു രസകരമായ സംഭവം. ഓവര്‍ പൂര്‍ത്തിയായ ശേഷം റെയ്‌ന ക്രീസിന്റെ മറുവശത്തേക്ക് നടക്കവെ ഇടയില്‍ കയറിനിന്ന് തമാശയെന്നോണം റിഷഭ് പന്ത് തടയാന്‍ ശ്രമിക്കുകയായിരുന്നു.
ക്യാമറകള്‍ ഈ ദൃശ്യങ്ങള്‍ ഒപ്പിയെടുക്കുകയും ചെയ്തു. പന്തിന്റെ ഈ പ്രവര്‍ത്തിയെ വളരെ തമാശയായി തന്നെയാണ് റെയ്‌നയും കണ്ടതെന്നു ദൃശ്യങ്ങള്‍ കണ്ടാല്‍ ബോധ്യമാവുകയും ചെയ്യും.

ധോണിക്കെതിരേ ശ്രമിക്കരുത്

ഐപിഎല്ലിന്റെ ഒഫീഷ്യല്‍ സൈറ്റില്‍ വന്നിരിക്കുന്ന വീഡിയോ ക്രിക്കറ്റ് പ്രേമികള്‍ ഏറ്റെടുത്തതോടെ നിമിഷങ്ങള്‍ക്കകം വൈറലായി മാറുകയും ചെയ്തു. നിരവധി കമന്റുകളാണ് വീഡിയോക്കു താഴെ വന്നു കൊണ്ടിരിക്കുന്നത്. സിഎസ്‌കെ ക്യാപ്റ്റന്‍ എംഎസ് ധോണിക്കെതിരേ ഇതാവര്‍ത്തിക്കരുതെന്നായിരുന്നു ഒരു ട്വീറ്റ്.

അടുത്ത കൂട്ടുകാര്‍

റെയ്‌നയുമായുള്ള അടുപ്പമാണ് പന്തിനെ ഇത്തരമൊരു തമാശയ്ക്കു പ്രേരിപ്പിച്ചത്. പന്തിനെക്കുറിച്ച് തികഞ്ഞ മതിപ്പാണ് റെയ്‌നയ്ക്കുള്ളത്.
പന്തിന്റെ കഴിവ് ദൈവം നേരിട്ടു നല്‍കിയതാണെന്നായിരുന്നു 2017ലെ ഐപിഎല്ലിനു മുമ്പ് റെയ്‌ന പറഞ്ഞത്. കരിയറിന്റെ തുടക്കകാലത്തുള്ള തന്നെയാണ് പന്തിന്റെ പ്രകടനം ഓര്‍മിപ്പിച്ചതെന്നും റെയ്‌ന വ്യക്തമാക്കിയിരുന്നു.

വീഡിയോ കാണാം

ചെന്നൈ സൂപ്പര്‍കിങ്‌സും ഡല്‍ഹി ക്യാപ്പിറ്റല്‍സും തമ്മിലുള്ള മല്‍സരത്തിനിടെ സുരേഷ് റെയ്‌നയെ റിഷഭ് പന്ത് തമാശയായി തടയാന്‍ ശ്രമിക്കുന്ന ദൃശ്യങ്ങള്‍ കാണാം.