Click it and Unblock the Notifications
മുന്‍ ഓസീസ് നായകന്‍ റിക്കി പോണ്ടിങ്ങാണ് ഈ റെക്കോഡില്‍ തലപ്പത്ത്. രണ്ട് തവണ ഓസ്‌ട്രേലിയയെ ലോകകപ്പ് കിരീടം ചൂടിച്ച പോണ്ടിങ് 200 മത്സരങ്ങളില്‍ ഓസ്‌ട്രേലിയയെ നയിച്ചപ്പോള്‍ 152 മത്സരങ്ങളിലും ടീമിന് ജയം നേടിക്കൊടുക്കാന്‍ അദ്ദേഹത്തിന് സാധിച്ചിരുന്നു. ഏറ്റവും കൂടുതല്‍ ജയം നേടിയ ക്യാപ്റ്റനും പോണ്ടിങ്ങാണ്. 324 മത്സരങ്ങള്‍ ടീമിനെ നയിച്ച പോണ്ടിങ് 220 മത്സരത്തിലും ടീമിനെ വിജയത്തിലേക്ക് നയിച്ചപ്പോള്‍ 77 മത്സരത്തിലാണ് തോറ്റത്. 13 മത്സരങ്ങള്‍ സമനിലയായപ്പോള്‍ രണ്ട് മത്സരങ്ങള്‍ ടൈയായി.
രണ്ടാം സ്ഥാനത്തുള്ളത് വിരാട് കോലിയാണ്. 200 മത്സരങ്ങള്‍ ഇന്ത്യയെ നയിച്ചപ്പോള്‍ 128 മത്സരങ്ങളില്‍ ഇന്ത്യയെ വിജയ തീരത്തെത്തിക്കാന്‍ കോലിക്കായി. 55 മത്സരം തോറ്റപ്പോള്‍ മൂന്ന് മത്സരം ടൈയായി. 10 മത്സരം സമനിലയിലും കലാശിച്ചു. ഇന്ത്യയുടെ എക്കാലത്തെയും മികച്ച ടെസ്റ്റ് നായകന്‍ വിരാട് കോലിയാണ്. എന്നാല്‍ ഇതുവരെ ഒരു ഐസിസി കിരീടം നേടാന്‍ കോലിക്ക് സാധിച്ചിട്ടില്ല.
മുന്‍ ദക്ഷിണാഫ്രിക്കന്‍ ക്യാപ്റ്റന്‍ ഹാന്‍സി ക്രോണ്യെയാണ് ഈ റെക്കോഡില്‍ മൂന്നാം സ്ഥാനത്ത്. 200 മത്സരങ്ങള്‍ ടീമിനെ നയിച്ചപ്പോള്‍ അദ്ദേഹം 126 മത്സരങ്ങളിലാണ് ടീമിനെ വിജയിപ്പിച്ചത്. ദക്ഷിണാഫ്രിക്കയുടെ തന്നെ ഗ്രയിം സ്മിത്താണ് നാലാം സ്ഥാനത്ത്. ആദ്യ 200 മത്സരത്തില്‍ 111 മത്സരത്തിലാണ് സ്മിത്ത് ടീമിനെ വിജയത്തിലെത്തിച്ചത്. 286 മത്സരങ്ങളില്‍ നിന്ന് 163 ജയവുമായി ഏറ്റവും കൂടുതല്‍ ജയം നേടിയ ക്യാപ്റ്റന്‍മാരില്‍ മൂന്നാം സ്ഥാനത്താണ് സ്മിത്ത്.
മുന്‍ ഓസ്‌ട്രേലിയന്‍ നായകന്‍ സ്റ്റീവ് വോ 200 മത്സരത്തില്‍ നിന്ന് 108 മത്സരത്തില്‍ ടീമിനെ വിജയത്തിലെത്തിച്ചപ്പോള്‍ മുന്‍ ഇന്ത്യന്‍ നായകന്‍ എംഎസ് ധോണിയും 108 ജയമാണ് നേടിയത്. നിലവില്‍ ഇംഗ്ലണ്ട് നായകന്‍ ഓയിന്‍ മോര്‍ഗന്‍ 200 മത്സരത്തില്‍ നിന്ന് 105 മത്സരത്തിലാണ് ഇംഗ്ലണ്ടിനെ വിജയത്തിലെത്തിച്ചത്. ഇംഗ്ലണ്ടിനെ 2019ലെ ഏകദിന ലോകകപ്പ് കിരീടം ചൂടിച്ച നായകനാണ് മോര്‍ഗന്‍.
