ധോണിക്ക് വേണമെങ്കില്‍ പോകാം, ചെന്നൈ കിംഗ്‌സ് തടയില്ല!

ധോണിക്ക് വേണമെങ്കില്‍ പോകാം

ഐ പി എല്ലില്‍ ചെന്നൈ കളിക്കാത്ത പക്ഷം എന്ത് ചെയ്യണമെന്ന് ധോണിക്ക് തീരുമാനിക്കാമെന്നാണ് ചെന്നൈ സൂപ്പര്‍ കിംഗ്‌സ് മാനേജ്‌മെന്റിന്റെ അടുത്ത വൃത്തങ്ങള്‍ പറഞ്ഞു. ക്രിക്ബസാണ് ഇക്കാര്യം റിപ്പോര്‍ട്ട് ചെയ്തത്.

ധോണിയുമായി ചര്‍ച്ച

ചെന്നൈ സൂപ്പര്‍ കിംഗ്‌സ് ഉടമകള്‍ ഉടന്‍ തന്നെ ധോണിയെ കാണാനിരിക്കേയാണ് ഈ റിപ്പോര്‍ട്ട് പുറത്തുവന്നത്. ഏതാനും ദിവസങ്ങള്‍ക്കകം ഈ കൂടിക്കാഴ്ച ഉണ്ടാകും

ധോണിയുമായി അടുത്ത ബന്ധം

ചെന്നൈ സൂപ്പര്‍ കിംഗ്‌സുമായി ധോണിക്ക് അടുത്ത ബന്ധമാണ് ഉള്ളത്. ഐ പി എല്ലിന്റെ തുടക്കം മുതല്‍ ധോണി ചെന്നൈ ടീമിന് വേണ്ടിയാണ് കളിക്കുന്നത്.

സമ്മര്‍ദ്ദം ചെലുത്തില്ല

എന്നിരുന്നാലും ധോണിയെ ഒപ്പം നിലനിര്‍ത്താനായി സമ്മര്‍ദ്ദം ചെലുത്തേണ്ടതില്ല എന്നാണ് മാനേജ്‌മെന്റ് തീരുമാനിച്ചിരിക്കുന്നത് എന്നറിയുന്നു. കളി അദ്ദേഹത്തിന്റെ പ്രൊഫഷനാണ്. എന്ത് ചെയ്യണമെന്ന് തീരുമാനിക്കേണ്ടത് ധോണി തന്നെയാണ്

അപ്പീല്‍ നല്‍കിയേക്കും

ഐ പി എല്ലില്‍ നിന്നും വിലക്കപ്പെട്ടതിനെതിരെ അപ്പീല്‍ നല്‍കാനാണ് ചെന്നെ ടീമിന്റെ തീരുമാനം എന്നറിയുന്നു. ഇത് സംബന്ധിച്ച് നിയമ വിദഗ്ധരുമായി ചര്‍ച്ച നടത്തുകയാണ് ടീം മാനേജ്‌മെന്റ്.