കളിച്ച് കളിച്ച് അശ്വിന്‍ സച്ചിനും സേവാഗിനും മേലെ... അത് സേവാഗ് തന്നെ ഓര്‍മിപ്പിച്ചു....

ഇന്ത്യന്‍ റെക്കോര്‍ഡ്

ഇന്ത്യയ്ക്ക് വേണ്ടി ഏറ്റവും കൂടുതല്‍ മാന്‍ ഓഫ് ദ സീരിസുകള്‍ എന്ന റെക്കോര്‍ഡാണ് അശ്വിന്‍ വെസ്റ്റ് ഇന്‍ഡീസില്‍ നേടിയത്. നാല് ടെസ്റ്റുകളുടെ പരമ്പരയില്‍ രണ്ട് സെഞ്ചുറിയടക്കം 235 റണ്‍സും 17 വിക്കറ്റുകളും അശ്വിന്‍ നേടി.

സ്‌നേഹത്തോടെ ഒരു ട്വീറ്റ്

വെസ്റ്റ് ഇന്‍ഡീസിലേക്ക് തിരിക്കുമ്പോള്‍ ഇതല്ലേ നിനക്ക് വേണ്ടിയിരുന്നത് എന്ന് ചോദിച്ച് ഭാര്യയെ ടാഗ് ചെയ്ത് ഒരു ട്വീറ്റും അശ്വിന്‍ ചെയ്തു. ഇന്ത്യ ജയിച്ച രണ്ട് ടെസ്റ്റുകളിലും മാന്‍ ഓഫ് ദ മാച്ചായിരുന്നു അശ്വിന്‍.

5 മാന്‍ ഓഫ് ദ സീരിസ്

ഇന്ത്യയ്ക്ക് വേണ്ടി ഏറ്റവും കൂടുതല്‍ ടെസ്റ്റ് മത്സരങ്ങള്‍ കളിച്ച സച്ചിന്‍ 5 തവണ മാന്‍ ഓഫ് ദ സീരിസായിട്ടുണ്ട്. 200 ടെസ്റ്റുകള്‍ കളിച്ച തെണ്ടുല്‍ക്കര്‍ 74 പരമ്പരകളില്‍ ഇന്ത്യന്‍ ടീമിന്റെ ഭാഗമായിരുന്നു.

വീരുവും 5 തന്നെ

സച്ചിനെപ്പോലെ തന്നെ 5 മാന്‍ ഓഫ് സീരിസ് പുരസ്‌കാരങ്ങള്‍ സേവാഗിന്റെ പേരിലും ഉണ്ട്. 104 ടെസ്റ്റുകളിലും 39 പരമ്പരകളിലുമാണ് സേവാഗ് ഇന്ത്യയ്ക്ക് വേണ്ടി ഇറങ്ങിയത്. സേവാഗ് ഇക്കാര്യം ട്വിറ്ററിലൂടെ അശ്വിനോട് പറയുകയും ചെയ്തു

മുരളീധരന്‍

11 മാന്‍ ഓഫ് ദ സീരിസ് അവാര്‍ഡുകള്‍ കൈവശം വെക്കുന്ന മുരളീധരന്റെ പേരിലാണ് ഈ റെക്കോര്‍ഡ്. കാലിസ് 9, ഇമ്രാന്‍ ഖാന്‍, ഹാഡ്‌ലി, വോണ്‍ എന്നിവര്‍ 8. അക്രം, ചന്ദര്‍പോള്‍ 7 എന്നിങ്ങനെ പോകുന്നു റെക്കോര്‍ഡുകാരുടെ നിര.