കയ്യെത്തും അകലത്തുണ്ട് മുരളീധരന്റെ റെക്കോര്ഡ് — ടെസ്റ്റില് അതിവേഗം 350 വിക്കറ്റുകള് വീഴ്ത്തിയ താരം. 66 മത്സരങ്ങളില് നിന്നാണ് 350 വിക്കറ്റുകള് മുത്തയ്യ മുരളീധരന് സ്വന്തം പേരില് കുറിച്ചത്. ഇപ്പോള് ഇതേ റെക്കോര്ഡില് രവിചന്ദ്ര അശ്വിനും കണ്ണുവെയ്ക്കുന്നു. 65 ടെസ്റ്റ് മത്സരങ്ങളില് നിന്നായി 342 വിക്കറ്റുകള് അശ്വിന് കൈക്കലാക്കിയിട്ടുണ്ട്.
ഇനിയുള്ള ടെസ്റ്റ് മത്സരത്തില് എട്ടു വിക്കറ്റുകള് വീഴ്ത്താനായാല് അശ്വിനും കയറും റെക്കോര്ഡ് പുസ്തകത്തില്. വീന്ഡീസ് പര്യടനത്തില് ആകെ രണ്ടു ടെസ്റ്റ് മത്സരങ്ങള് മാത്രമേയുള്ളൂ. പരമ്പരയിലെ രണ്ടാമത്തെ മത്സരമാണ് ഇപ്പോള് സബീന പാര്ക്കില് നടക്കുന്നത്. ശേഷം ഇന്ത്യയില് വെച്ചാണ് അടുത്ത ടെസ്റ്റ് പരമ്പര. ദക്ഷിണാഫ്രിക്കയുടെ ഇന്ത്യന് പര്യടനത്തിന്റെ ഭാഗമായാണിത്.
ടെസ്റ്റ് സ്ക്വാഡിനെ ക്രിക്കറ്റ് ബോര്ഡ് ഇനിയും പ്രഖ്യാപിച്ചിട്ടില്ല. കരീബിയന് പിച്ചില് മൂന്നു പേസര്മാരെയും ഒരു സ്പിന്നറെയും വെച്ചാണ് കോലി ബൗളിങ് തന്ത്രങ്ങള് മെനയുന്നത്. എന്നാല് സ്പിന് അനുകൂലമായ ഇന്ത്യന് പിച്ചുകളില് ഈ സമവാക്യം മാറാം. ദക്ഷിണാഫ്രിക്കയ്ക്ക് എതിരായ ടെസ്റ്റ് മത്സരങ്ങളില് സ്പിന് ബൗളര്മാര്ക്ക് കൂടുതല് പ്രാമുഖ്യം കല്പിക്കാന് കോലി തയ്യാറായേക്കും. മൂന്നുവീതം ട്വന്റി-20, എകദിന, ടെസ്റ്റ് മത്സരങ്ങളാണ് ദക്ഷിണാഫ്രിക്കയുടെ ഇന്ത്യന് പര്യടനത്തിലുള്ളത്.
ആറടി രണ്ടിഞ്ച് ഉയരം, 140 കിഗ്രാമിലേറെ ഭാരം!! ക്രിക്കറ്റിലെ പര്വത മനുഷ്യനായി കോണ്വാള്, റെക്കോര്ഡ്
രാജ്യാന്തര ടെസ്റ്റ് മത്സരങ്ങളില് അവസരം കുറവാണെങ്കിലും കൗണ്ടി ചാമ്പ്യന്ഷിപ്പില് നോട്ടിങാംഷയറിനായി മിന്നും പ്രകടനമാണ് അശ്വിന് നടത്തിവരുന്നത്. കഴിഞ്ഞതവണ ക്ലബിനായി കളിച്ചപ്പോള് രണ്ടു മത്സരങ്ങളില് നിന്നായി ഇരുപതു വിക്കറ്റുകള് അശ്വിന് വീഴ്ത്തുകയുണ്ടായി. കൗണ്ടി ക്രിക്കറ്റിന് പിന്നാലെ തമിഴ്നാട് പ്രീമിയര് ലീഗിലും താരത്തെ സജീവമായി കണ്ടു.
എന്തൊരടി, ഇന്ത്യക്കു മുന്നില് നാണം കെട്ടവര്... ടീം ആകെ നേടിയ സ്കോര് ഇന്ത്യന് താരത്തോളമില്ല!!
ഒരുകാലഘട്ടത്തില് ഇന്ത്യന് ടെസ്റ്റ് സംഘത്തിലെ പതിവുകാരനായിരുന്നു രവിചന്ദ്ര അശ്വിന്. ടെസ്റ്റില് 25.43 എന്ന ബൗളിങ് ശരാശരി പുലര്ത്തിയാണ് 342 വിക്കറ്റുകള് അശ്വിന് നേടിയിട്ടുള്ളത്. 26 തവണ അഞ്ചു വിക്കറ്റ് നേട്ടവും താരം സ്വന്തമാക്കി. 2018 -ല് ഓസ്ട്രേലിയക്ക് എതിരെയായിരുന്നു അശ്വിന് അവസാനമായി ടെസ്റ്റ് കളിച്ചത്.