Click it and Unblock the Notifications
Sporting Buzz
-
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
IPL 2024: ഇംപാക്ട് പ്ലെയര് ബൗളര്മാരെ ദുര്ബലരാക്കുന്നു; ബാറ്റിംഗിനെ സഹായിക്കുന്നുവെന്ന് ബുംറ -
IPL 2024: ഇവര് തമ്മിലോ പിണക്കം? കെട്ടിപ്പിടിച്ച് വിജയം ആഘോഷിച്ച് രോഹിത്തും പാണ്ഡ്യയും -
IPL 2024: ടോസ് ലഖ്നൗവിന്, ബൗളിങ് തിരഞ്ഞെടുത്ത് രാഹുല്‍; സിഎസ്കെ ആദ്യം ബാറ്റ് ചെയ്യും -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
T20 World Cup 2024: ആരേയും ഭയമില്ല, അടിച്ചുതകര്ക്കും; അഷുതോഷ് ടി20 ലോകകപ്പ് ടീമില് വേണോ? -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
IPL 2024: പഞ്ചാബ് എന്തിനത് ചെയ്തു? പാളിയത് ആ തന്ത്രം; കളി തോല്പ്പിച്ച കറെന്റെ മണ്ടത്തരം ഇതാ -
IPL 2024: 14ന് 4, പിന്നെ അഷുതോഷ് ഷോ; മുംബൈ ജയിച്ചത് എങ്ങനെ? പിന്നില് ബുംറയുടെ തന്ത്രം
രാജ്‌കോട്ട്: മധ്യപ്രദേശിനെതിരായ രഞ്ജി ട്രോഫി എലൈറ്റ് ഗ്രൂപ്പ് എ പോരാട്ടത്തില്‍ കേരളം തിരിച്ചടിക്കുന്നു. 585 റണ്‍സെന്ന കൂറ്റന്‍ സ്‌കോറാണ് മധ്യപ്രദേശ് ഒന്നാമിന്നിങ്‌സില്‍ നേടിയത്. മറുപടിയില്‍ കേരളം മൂന്നാംദിനം സ്റ്റംപെടുക്കുമ്പോള്‍ രണ്ടു വിക്കറ്റിനു 198 റണ്‍സെന്ന മോശമല്ലാത്ത നിലയിലാണ്. 82 റണ്‍സോടെ ഓപ്പണര്‍ പി രാഹുലും ഏഴു റണ്‍സുമായി നായകന്‍ സച്ചിന്‍ ബേബിയുമാണ് ക്രീസിലുള്ളത്. ഒരു ദിവസം മാത്രം ശേഷിക്കെ മല്‍സരം സമനിലയാവുമെന്നു ഏറെക്കുറെ ഉറപ്പായിരിക്കുകയാണ്. എട്ടു വിക്കറ്റുകള്‍ ബാക്കിനില്‍ക്കെ മധ്യപ്രദശിനൊപ്പമെത്താന്‍ കേരളത്തിനു 387 റണ്‍സ് കൂടി വേണം.
178 ബോളില്‍ 13 ബൗണ്ടറികളടക്കമാണ് രാഹുല്‍ 82 റണ്‍സ് നേടിയത്. സച്ചിന്‍ ബേബിയാവട്ടെ 26 ബോളില്‍ ഒരു ബൗണ്ടറിയടിച്ചാണ് ഏഴു റണ്‍സ് സ്‌കോര്‍ ചെയ്തത്. അപരാജിതമായ മൂന്നാം വിക്കറ്റില്‍ ഈ സഖ്യം 73 ബോളില്‍ 31 റണ്‍സ് ടീം സ്‌കോറിലേക്കു കൂട്ടിച്ചേര്‍ത്തു കഴിഞ്ഞു. രോഹന് കുന്നുമ്മല്‍ (75), വല്‍സല്‍ ഗോവിന്ദ് (15) എന്നിവരുടെ വിക്കറ്റുകളാണ് കേരളത്തിനു നഷ്ടമായത്.
ഗുജറാത്തിനെതിരായ കളിഞ്ഞ മല്‍സരത്തില്‍ രണ്ടിന്നിങ്‌സിലും സെഞ്ച്വറിയും ആദ്യ കളിയില്‍ മേഘാലയ്‌ക്കെതിരേ ഒരു സെഞ്ച്വറിയും നേടിയ രോഹന് ഈ കളിയിലും തകര്‍പ്പന്‍ ഫോമിലായിരുന്നു. പക്ഷെ സെഞ്ച്വറിക്കു 25 റണ്‍സകലെ വിക്കറ്റ് കൈവിടുകയായിരുന്നു. 110 ബോളില്‍ എട്ടു ബൗണ്ടറികളുള്‍പ്പെട്ടതായിരുന്നു താരത്തിന്റെ ഇന്നിങ്‌സ്. കേരളത്തിനു തകര്‍പ്പന്‍ തുടക്കമാണ് രോഹന്-രാഹുല്‍ സഖ്യം നല്‍കിയത്. ഓപ്പണിങ് വിക്കറ്റില്‍ ഇരുവരും ചേര്‍ന്ന് 129 റണ്‍സ് അടിച്ചെടുത്തു.
നേരത്തേ അഞ്ചു വിക്കറ്റിനു 474 റണ്‍സെന്ന നിലയിലാണ് മധ്യപ്രദേശ് മൂന്നാംദിനം
കളി പുനരാരംഭിച്ചത്. ഡബിള്‍ സെഞ്ച്വറിയുമായി ക്രീസിലുണ്ടായിരുന്ന ഓപ്പണര്‍ യഷ് ദുബേയെ ട്രിപ്പിളടിക്കാന്‍ കേരളം അനുവദിച്ചില്ല. 289 റണ്‍സെടുത്തു നില്‍ക്കെ ദുബെയെ കേരളം പുറത്താക്കി. 591 ബോളുകള്‍ നേരിട്ട താരത്തിന്റെ ഇന്നിങ്‌സില്‍ 35 ബൗണ്ടറികളും രണ്ടു സിക്‌സറുമുള്‍പ്പെട്ടിരുന്നു. രണ്ടാംദിനം രജത് പാട്ടിധറും (142) മധ്യപ്രദേശിനായി സെഞ്ച്വറി നേടിയിരുന്നു. അക്ഷത് രഘുവംശിയാണ് (50) മറ്റൊരു പ്രധാന സ്‌കോറര്‍.
കേരള ബൗളര്‍മാരില്‍ ഏറ്റവും മികച്ച പ്രകടനം നടത്തിയത് സ്പിന്‍ ബൗളിങ് ഓള്‍റൗണ്ടര്‍ ജലജ് സക്‌സേനയായിരുന്നു. ആറു വിക്കറ്റുകള്‍ അദ്ദേഹം വീഴ്ത്തി. 51.3 ഓവറില്‍ 18 മെയ്ഡനുകളടക്കം 116 റണ്‍സ് വിട്ടുകൊടുത്താണ് അദ്ദേഹം ആറു പേരെ പുറത്താക്കിയത്. എന്‍പി ബേസിലിനും സിജോമോന്‍ ജോസഫിനും ഓരോ വിക്കറ്റ് വീതം ലഭിച്ചു.
