ഐപിഎല്ലില് രാഹുല്
ഐപിഎല്ലിലെ ആദ്യ രണ്ടു മത്സരത്തിലും രാഹുലിന് രണ്ടക്കം കാണാനായില്ല. മൂന്നാം മത്സരത്തില് മുംബൈ ഇന്ത്യന്സിനെതിരെ 71 റണ്സടിച്ച് രാഹുല് തിരിച്ചുവന്നു. നാലാം മത്സരത്തില് 15 റണ്സ് ആയിരുന്നു സമ്പാദ്യം. അഞ്ചാം മത്സരത്തില് വീണ്ടും 71 റണ്സെടുത്തതോടെ താരം ഫോമിലേക്ക് തിരിച്ചുവന്നെന്ന് ഉറപ്പിച്ചു. ആറാം മത്സരത്തിലെ സെഞ്ച്വറിയോടെ രാഹുല് ഇന്ത്യന് ടീമിലെ സ്ഥാനവും സ്വന്തമാക്കിക്കഴിഞ്ഞു.
പാണ്ഡ്യയുടെ ഓവറില് രാഹുല്
മുംബൈയ്ക്കെതിരെ പതുക്കെ തുടങ്ങിയ രാഹുല് അവസാന ഓവറുകളിലാണ് കത്തിക്കയറിയത്. രാഹുലിന്റെ സ്കോര് 70 റണ്സ് കടക്കില്ലെന്ന് തോന്നിച്ചെങ്കിലും ഹാര്ദിക് പാണ്ഡ്യ എറിഞ്ഞ 19-ാം ഓവറില് 25 റണ്സടിച്ച് താരം സെഞ്ച്വറിക്കടുത്തെത്തി. മൂന്ന് സിക്സറുകളും ഒരു ഫോറുമാണ് രാഹുല് ആ ഓവറില് അടിച്ചത്. അതുവരെ നന്നായി പന്തെറിഞ്ഞ പാണ്ഡ്യയ്ക്കാണ് ആ ഓവറില് താളംതെറ്റിയത്.
പാണ്ഡ്യ രാഹുലിനെ സഹായിച്ചോ
ടിവി അഭിമുഖത്തില് രാഹുലിനൊപ്പം വിവാദ നായകനായ താരമാണ് പാണ്ഡ്യയും. രാഹുലിന്റെ അടുത്ത സുഹൃത്തുകൂടിയായ പാണ്ഡ്യ മോശം പന്തുകളെറിഞ്ഞ് രാഹുലിന് സെഞ്ച്വറിയടിക്കാന് സഹായിച്ചോ എന്നാണ് ഇപ്പോള് സോഷ്യല് മീഡിയയില് ചിലരുടെ ചോദ്യം. സെഞ്ച്വറിയടിച്ച രാഹുലിനെ ചേര്ത്തുപിടിച്ചാണ് പാണ്ഡ്യ അഭിനന്ദിച്ചതെന്നതും ശ്രദ്ധേയമാണ്.