Click it and Unblock the Notifications
വെറുതെ ജയിച്ചാല് പോര
ബാക്കിയുള്ള രണ്ട് കളികളും ജയിച്ചാലും സെമിഫൈനലില് എത്തും എന്ന് ഉറപ്പില്ലാത്ത സ്ഥിതിയിലാണ് ഇന്ത്യ. റണ്റേറ്റ് വളരെ മോശം എന്നത് തന്നെ കാരണം. അതുകൊണ്ട് വലിയ മാര്ജിനില് ഒരു വിജയം നേടി റണ്റേറ്റ് ഉയര്ത്താനാകും ഇന്ത്യയുടെ ശ്രമം. ഗ്രൂപ്പില് ഇന്ത്യയ്ക്ക് കിട്ടാവുന്ന ഏറ്റവും ദുര്ബലരായ എതിരാളികളാണ് ബംഗ്ലാദേശ്.
ഇതുവരെ തോറ്റിട്ടില്ല
ഏകദിനത്തില് ഇടക്കിടെ ഞെട്ടിച്ചിട്ടുണ്ടെങ്കിലും ട്വന്റി 20 ലോകകപ്പില് ഇന്ത്യ ബംഗ്ലാദേശിനോട് തോറ്റിട്ടില്ല. ലോകകപ്പില് മാത്രമല്ല, ട്വന്റി 20യില് ഇതുവരെ ഇന്ത്യയോട് ജയിക്കാന് ബംഗ്ലാദേശിന് കഴിഞ്ഞിട്ടില്ല. ഇത് ഇന്ത്യയ്ക്ക് ആത്മവിശ്വാസം നല്കുന്ന കണക്കാണ്.
ബംഗ്ലാദേശിന് പ്രഹരം
ഫാസ്റ്റ് ബൗളര് ടസ്കിന് അഹമ്മദിനെ ആക്ഷന് പ്രശ്നത്തില് വിലക്കിയത് ബംഗ്ലാദേശിന് വലിയ തിരിച്ചടിയായി. അറാഫത്ത് സുന്നിക്കും വിലക്ക് കിട്ടി. പരിക്ക് മൂലം തമീം ഇഖ്ബാല് കൂടി കളിക്കാനിറങ്ങാതിരുന്നതോടെ ഓസ്ട്രേലിയയ്ക്കെതിരെ അവര് തീര്ത്തും തളര്ന്നു. ഇന്ത്യക്കെതിരെ തമീം കളിക്കും എന്നാണ് പ്രതീക്ഷ
ഇന്ത്യയുടെ പ്രശ്നം ബാറ്റിംഗ്
ബൗളിംഗില് മികച്ച ഫോമിലാണ് ഇന്ത്യ. എന്നാല് ബാറ്റിംഗില് ആ ഫോം ഇല്ല. രോഹിത് ശര്മ, ധവാന്, റെയ്ന എന്നിവര് കൂടി ഫോമിലെത്തിയാലേ ഇന്ത്യയ്ക്ക് പ്രതീക്ഷിച്ച പോലെ കാര്യങ്ങള് നടക്കൂ. വിരാട് കോലി, യുവരാജ്, ധോണി എന്നിവര് നന്നായി കളിക്കുന്നുണ്ട്.
Continue with Google