ആസ്ത്രേലിയയെ 'ഉപദേശിച്ച്' നേരെയെക്കാന്‍ റിക്കി പോണ്ടിങ്

സ്ഥിരം കോച്ച് ഡാരന്‍ ലേമാന്‍, അസിസ്റ്റന്‍റായ ഡേവിഡ് സുക്കേര്‍ എന്നിവര്‍ അടുത്ത മാസം ഇന്ത്യക്കെതിരേ നടക്കാനിരിക്കുന്ന നാലു ടെസ്റ്റുകളുടെ പരമ്പരയ്ക്കായി ടീമിനൊപ്പം യാത്ര തിരിക്കുന്നതിനാലാണ് ട്വന്‍റിക്കു മാത്രമായി പ്രത്യേക കോച്ചിങ് സംഘത്തെ തിരഞ്ഞെടുത്തത്.

വിരമിച്ച ശേഷവും ആസ്‌ത്രേലിയന്‍ ക്രിക്കറ്റ് ടീമിനെ മറ്റ് ഏതെങ്കിലും തരത്തില്‍ സഹായിക്കണമെന്ന് താന്‍ ആഗ്രഹിച്ചിരുന്നതായി പോണ്ടിങ് പറഞ്ഞു. അടുത്ത സുഹൃത്തുക്കള്‍ക്കൊപ്പം തന്നെ ഇപ്പോള്‍ പ്രവര്‍ത്തിക്കാന്‍ കഴിയുന്നതില്‍ കൂടുതല്‍ സന്തോഷം നല്‍കുന്നുവെന്നും പോണ്ടിങ് കൂട്ടിച്ചേര്‍ത്തു.

ട്വന്‍റിയില്‍ മികവ് തെളിയിക്കാന്‍ കെല്‍പ്പുള്ള നിരവധി കളിക്കാര്‍ ഇപ്പോഴത്തെ ഓസീസ് ടീമിലുണ്ടെന്ന് പോണ്ടിങ് അഭിപ്രായപ്പെട്ടു.

അന്താരാഷ്ട്ര ക്രിക്കറ്റിലെ ഏറ്റവും മികച്ച ബാറ്റ്‌സ്മാന്‍മാരുടെ പട്ടികയിലാണ് പോണ്ടിങിന്‍റെ സ്ഥാനം. 2012ല്‍ വിരമിക്കുന്നതിനു മുമ്പ് 51.81 ശരാശരിയില്‍ ടെസ്റ്റില്‍ 13,378ഉം 42.30 ശരാശരിയില്‍ 13, 704ഉം റണ്‍സ് പോണ്ടിങ് നേടിയിട്ടുണ്ട്.