ലസിത് മലിങ്ക
ശ്രീലങ്കയുടെ ഇതിഹാസ പേസര് ലസിത് മലിങ്ക ഏഷ്യന് ഇലവനെ നയിക്കാന് മിടുക്കുള്ള താരങ്ങളിലൊരാളാണ്. നിലവില് ലങ്കയുടെ ടി20 ടീമിന്റെ നായകനാണെന്നതും മലിങ്കയ്ക്കു പ്ലസ് പോയിന്റാണ്.
നേരത്തേയും ലങ്കന് ടീമിനെ നയിക്കാന് അദ്ദേഹത്തിനു അവസരം ലഭിച്ചിട്ടുണ്ട്. ഇതുവരെ 22 ടി20കളിലാണ് 36 കാരനായ മലിങ്ക ലങ്കയെ നയിച്ചത്. മലിങ്കയ്ക്കു കീഴില് കളിച്ച 22 ടി20കൡ ഏഴെണ്ണത്തിലാണ് ലങ്ക ജയം നേടിയത്. അനുഭവസമ്പത്ത് കൂടി പരിഗണിക്കുമ്പോള് മലിങ്കയെ ഏഷ്യന് ഇലവന്റെ നായകനാക്കാനുള്ള സാധ്യത തള്ളിക്കളയാനാവില്ല.
മുഷ്ഫിഖുര് റഹീം
ആതിഥേയര് കൂടിയായ ബംഗ്ലാദേശിന്റെ മിന്നും താരവും മുന് നായകനുമായ മുഷ്ഫിഖുര് റഹീം ഏഷ്യന് ഇലവനെ നയിക്കാന് യോഗ്യതയുള്ള കളിക്കാരനാണ്. 2011 മുതല് 14വരെയാണ് വിക്കറ്റ് കീപ്പര് കൂടിയായ മുഷ്ഫിഖുര് ബംഗ്ലാദേശിനെ നയിച്ചത്.
37 ഏകദിനങ്ങളിലും 23 ടി20കളിലും അദ്ദേഹത്തിനു കീഴില് ബംഗ്ലാദേശ് കളിച്ചിട്ടുണ്ട്. ഏകദിനത്തില് 31.42ഉം ടി20യില് 36.36ഉം ആണ് മുഷ്ഫിഖുറിന്റെ വിജയ ശരാശരി. ബംഗ്ലാദേശ് പ്രീമിയര് ലീഗില് 51.36 എന്ന മികച്ച ശരാശരിയും അദ്ദേഹത്തിനുണ്ട്. നിലവില് മൂന്നു ഫോര്മാറ്റുകളിലും ദേശീയ ടീമിന്റെ അവിഭാജ്യ ഘടകവും ആരാധകര്ക്കു ഏറെ പ്രിയപ്പെട്ട കളിക്കാരനുമായതിനാല് മുഷ്ഫിഖുര് തന്നെ ഏഷ്യന് ഇലവനെ നയിക്കാനാണ് കൂടുതല് സാധ്യത.
തമീം ഇഖ്ബാല്
മുഷ്ഫുറിനെക്കൂടാതെ ബംഗ്ലാദേശിന്റെ തന്നെ മറ്റൊരു താരവും വെടിക്കെട്ട് ഓപ്പണറുമായ തമീം ഇഖ്ബാലും ഏഷ്യന് ഇലവന്റെ നായകസ്ഥാനത്തേക്കു പരിഗണിക്കാന് സാധ്യതയുണ്ട്. അന്താരാഷ്ട്ര ക്രിക്കറ്റില് ക്യാപ്റ്റനെന്ന നിലയില് വലിയ അനുഭവസമ്പത്തില്ലെന്നു മാത്രമാണ് തമീമിന്റെ നെഗറ്റീവ് പോയിന്റ്. മൂന്നു ഏകദിനങ്ങളില് മാത്രമേ അദ്ദേഹം ടീമിനെ നയിച്ചിട്ടുള്ളൂ. ഇവയിലെല്ലാം ബംഗ്ലാദേശ് പരാജയപ്പെടുകയും ചെയ്തു.
എന്നാല് ഓപ്പണറെന്ന നിലയില് തമീമിന്റെ പ്രതിഭയെ ആര്ക്കും ചോദ്യം ചെയ്യാനാവില്ല. ഏകദിനത്തില് 6892ഉം ടി20യില് 1717ഉം റണ്സ് താരം നേടിയിട്ടുണ്ട്.