അവസാന ഇന്നിംഗ്‌സില്‍ ഗോള്‍ഡന്‍ ഡക്ക്; മിസ്റ്റര്‍ മരുമകന്‍ ഷോയിബ് മാലിക് വിരമിച്ചു!

ഗോള്‍ഡന്‍ ഡക്കോടെ വിട

ഷാര്‍ജയിലെ മൂന്നാം ടെസ്റ്റിന്റെ രണ്ടാമിന്നിംഗ്‌സില്‍ നേരിട്ട ആദ്യ പന്തില്‍ തന്നെ മാലിക് പുറത്തായി. ജയിംസ് ആന്‍ഡേഴ്‌സന്റെ പന്തില്‍ എല്‍ ബി ഡബ്ല്യു ആയ മാലിക് അതോടെ കളിയും അവസാനിപ്പിച്ചു.

കരിയര്‍ ബെസ്റ്റ് ബൗളിംഗ്

ഒന്നാമിന്നിംഗ്‌സില്‍ 38 റണ്‍സാണ് മാലിക് അടിച്ചത്. എന്നാല്‍ ബൗളിംഗില്‍ 38 റണ്‍സിന് 4 വിക്കറ്റ് വീഴ്ത്തി കരിയര്‍ ബെസ്റ്റ് ബൗളിംഗ് പ്രകടനം പുറത്തെടുത്തു.

തിരിച്ചെത്തിയതായിരുന്നു

അഞ്ച് വര്‍ഷത്തെ ഇടവേളയ്ക്ക് ശേഷമാണ് മാലിക് കഴിഞ്ഞ മാസം ടെസ്റ്റ് ടീമില്‍ എത്തിയത്. ഉടന്‍ തന്നെ വിരമിക്കുകയും ചെയ്തു. പരിക്കേറ്റ അസ്ഹര്‍ അലിക്ക് പകരക്കാരനായാണ് മാലിക് ടീമിലെത്തിയത്.

ഹൈദരാബാദിന്റെ മരുമകന്‍

സാനിയ മിര്‍സയുടെ ഭര്‍ത്താവ് എന്ന പേരിലും ഇന്ത്യയ്ക്ക് പ്രിയപ്പെട്ടവനാണ് മാലിക്. ഇന്ത്യക്കെതിരെ ഒരുപാട് മികച്ച ഇന്നിംഗ്‌സുകള്‍ മാലിക്കിന്റെ ക്രെഡിറ്റിലുണ്ട്.

ശരാശരി പ്രകടനം

15 വര്‍ഷം കൊണ്ട് 35 ടെസ്റ്റുകള്‍. 3 സെഞ്ചുറികളും 8 അര്‍ധസെഞ്ചുറികളും അടക്കം 1898 റണ്‍സ്. 35 റണ്‍സ് ശരാശരി - ഇതാണ് മാലിക്കിന്റെ ടെസ്റ്റ് കണക്കുകള്‍.

ലോകകപ്പിന് വേണ്ടി

യുവാക്കള്‍ക്ക് അവസരം കൊടുക്കാനാണ് മാലിക്കിന്റെ ഈ വിരമിക്കല്‍ തീരുമാനം. 2019 ല്‍ നടക്കുന്ന ഏകദിന ലോകകപ്പാണ് മുന്നിലുള്ള ലക്ഷ്യമെന്ന് ഷാര്‍ജയിലെ പത്രസമ്മേളനത്തില്‍ മാലിക് പറഞ്ഞു.