Click it and Unblock the Notifications
ലോര്ഡ്സിലെ പുതിയ രാജാവ്
ലോര്ഡ്സ് ഗ്രൗണ്ടില് ഏകദിനത്തിലെ പുതിയ രാജാവായി മാറിയിക്കുകയാണ് ഷഹീന്. ഇവിടെ ഒരു ബൗളറുടെ ഏറ്റവും മികച്ച പ്രകടനമാണ് താരം ഈ മല്സരത്തില് കുറിച്ചത്.
ഈ വര്ഷം ജൂണില് ന്യൂസിലാന്ഡിനെതിരേ നടനന്ന ഏകദിനത്തില് ഓസ്ട്രേലിയന് പേസര് സ്ഥാപിച്ച റെക്കോര്ഡ് തിരുത്തപ്പെടുകയായിരുന്നു. സ്റ്റാര്ക്ക് അന്ന് 9.4 ഓവറില് 26 റണ്സ് വിട്ടുകൊടുത്ത് അഞ്ചു വിക്കറ്റുകളാണ് നേടിയത്. ലോര്ഡ്സില് ആറു വിക്കറ്റ് നേട്ടത്തിന് അവകാശിയായ ആദ്യ ബൗളര് കൂടിയായി ഷഹീന് മാറുകയും ചെയ്തു. ഇതു മാത്രമല്ല ലോര്ഡ്സില് അഞ്ചോ അതിലധികമോ വിക്കറ്റുകളെടുത്ത പ്രായം കുറഞ്ഞ താരമെന്ന റെക്കോര്ഡിനും അദ്ദേഹം അര്ഹനായി.
സീനിയര് അഫ്രീഡിയെ കടത്തിവെട്ടി
ലോകകപ്പില് ഒരു പാകിസ്താന് ബൗളറുടെ ഏറ്റവും മികച്ച പ്രകടനം കൂടിയാണ് ഷഹീനിന്റേത്. മുന് നായകനും ഇതിഹാസ ഓള്റൗണ്ടറുമായ ഷാഹിദ് അഫ്രീഡിയുടെ റെക്കോര്ഡ് ഇതോടെ പഴങ്കഥയാവുകയായിരുന്നു.
2011ലെ ലോകകപ്പില് അഫ്രീഡി എട്ടോവറില് 16 റണ്സിന് അഞ്ചു വിക്കറ്റ് കൊയ്തിരുന്നു. ഇതാണ് ജൂനിയര് അഫ്രീഡി ലോര്ഡ്സില് തിരുത്തിയെഴുതിയത്.
പ്രായം കുറഞ്ഞ വിക്കറ്റ് വേട്ടക്കാരന്
ലോകകപ്പില് ഏറ്റവുമധികം വിക്കറ്റുകളെടുത്ത പ്രായം കുറഞ്ഞ ബൗളറെന്ന മറ്റൊരു റെക്കോര്ഡും കൂടി ഷഹീന് തന്റെ പേരിലേക്കു മാറ്റി. ഈ ലോകകപ്പില് അഞ്ചു മല്സരങ്ങളില് നിന്നും 16 വിക്കറ്റുകളാണ് പേസര് കൊയ്തത്.
പാകിസ്താന്റെ മുന് സ്റ്റാര് ഓള്റൗണ്ടര് അബ്ദുള് റസാഖിന്റെ പേരിലായിരുന്നു നേരത്തേ ഈ റെക്കോര്ഡ്. 1999ലെ ലോകകപ്പില് റസാഖ് ഒമ്പത് കളികളില് നിന്നും 13 വിക്കറ്റുളാണ് നേടിയത്.
Continue with Google