Click it and Unblock the Notifications
ധോണി ടിക്കറ്റ് എടുത്തു നല്കി
പാക്കിസ്ഥാന് വംശജനും അമേരിക്കയില് സ്ഥിരതാമസക്കാരനുമായ മുഹമ്മദ് ബാഷിര് ആണ് ധോണിയുടെ കാരുണ്യമറിഞ്ഞ ആരാധകന്. ഇന്ത്യയും പാക്കിസ്ഥാനും തമ്മില് മാഞ്ചസ്റ്ററില് നടക്കുന്ന മത്സരത്തിനായി ബാഷിര് എത്തിക്കഴിഞ്ഞു. ധോണിയാണ് ഇദ്ദേഹത്തിന് ടിക്കറ്റ് വാഗ്ദാനം ചെയ്തത്. ഒരു ടിക്കറ്റിന് 900 പൗണ്ടുവരെ ആളുകള് ചെലവഴിക്കാന് തയ്യാറാണെന്നും എന്നാല് തനിക്ക് ധോണി ടിക്കറ്റ് വാഗ്ദാനം ചെയ്തിട്ടുണ്ടെന്നും അദ്ദേഹം പറഞ്ഞു.
ധോണിയുടെ സൗജന്യം വിലപിടിപ്പുള്ളത്
ലണ്ടനിലെത്തിയശേഷം ധോണിയുമായി ചാച്ച ചിക്കാഗോ എന്നറിയപ്പെടുന്ന ബാഷിര് സംസാരിച്ചിട്ടില്ല. ടെക്സ്റ്റ് സന്ദേശങ്ങളിലൂടെയാണ് ആശയക്കൈമാറ്റം. ചിക്കാഗോയിലേക്കുള്ള യാത്ര ചെലവിന്റെ തുകയോളം മത്സരടിക്കറ്റിന് ഉള്ളപ്പോഴാണ് തനിക്ക് ധോണി അത് സൗജന്യമായി തരുന്നതെന്ന് ചിക്കാഗോയിലെ റസ്റ്റൊറന്റ് നടത്തിപ്പുകാരനായ ചാച്ച പറഞ്ഞു.
ചാച്ചായ്ക്ക് ധോണി നേരത്തെയും ടിക്കറ്റ് നല്കി
ഇതാദ്യമായല്ല ചാച്ചയ്ക്ക് ധോണിയുടെ വക ടിക്കറ്റ് സൗജന്യമായി ലഭിക്കുന്നത്. 2011ല് മൊഹാലിയില് ഇന്ത്യയും പാക്കിസ്ഥാനും തമ്മില് ഏറ്റമുട്ടിയപ്പോഴും ധോണി ഇദ്ദേഹത്തിനായി ടിക്കറ്റെടുത്ത് നല്കിയിരുന്നു. അന്ന് മത്സരം ജയിച്ച ഇന്ത്യ കപ്പും സ്വന്തമാക്കി. പാക് വംശജനാണെങ്കിലും ചാച്ചയുടെ ഭാര്യ ഹൈദരാബാദ് സ്വദേശിനിയാണ്. അതുകൊണ്ടുതന്നെ മക്കളും ഭാര്യയും ഇടയ്ക്ക് ഇന്ത്യയില് സന്ദര്ശിക്കാറുണ്ടെന്നും ചാച്ച പറയുന്നു. ഇത്തവണ ധോണിക്ക് ഒരു സര്പ്രൈസ് സമ്മാനവും അദ്ദേഹം കരുതിയിട്ടുണ്ട്. ധോണിക്ക് നേരിട്ട് നല്കാനാകുമെന്നാണ് പ്രതീക്ഷ.
Continue with Google