Click it and Unblock the Notifications
1952-53ല് പാകിസ്താന് ടീം ആദ്യമായി ഇന്ത്യയില് പര്യടനത്തിനെത്തിയപ്പോള് ടീമിലുണ്ടായിരുന്ന താരമാണ് ഇംതിയാസ്. അന്നു ടീമിലുണ്ടായിരുന്ന ഹനീഫ് മുഹമ്മദ്, ഇസ്റാര് അലി എന്നിവര് കഴിഞ്ഞ വര്ഷം അന്തരിച്ചിരുന്നു. ഇനി അന്നത്തെ സംഘത്തില് ശേഷിക്കുന്നത് വഖാര് ഹസ്സന് മാത്രമാണ്.
വിക്കറ്റ് കീപ്പര് ബാറ്റ്സ്മാനായ ഇംതിയാസ് പാകിസ്താനുവേണ്ടി 41 ടെസ്റ്റുകള് കളിച്ചിട്ടുണ്ട്. 2079 റണ്സാണ് അദ്ദേഹത്തിന്റെ സമ്പാദ്യം. ഉയര്ന്ന സ്കോര് 1955ല് ന്യൂസിലന്ഡിനെതിരേ ലാഹോറില് നേടിയ 209 റണ്സ്.
പാകിസ്താന്റെ ടീമിന്റെ മുഖ്യ സെലക്റ്ററായി ഇംതിയാസ് പ്രവര്ത്തിച്ചിട്ടുണ്ട്. കൂടാതെ ദേശീയ ടീമിനെ അദ്ദേഹം പരിശീലിപ്പിക്കുകയും ചെയ്തിരുന്നു.
ഇംതിയാസിന്റെ വിയോഗത്തില് പാകിസ്താന് ക്രിക്കറ്റ് ബോര്ഡ് ചെയര്മാന് ശഹരിയാര് ഖാന് അനുശോചിച്ചു. അദ്ദേഹത്തിന്റെ അഭാവം നികത്താനാവില്ല. വിരമിച്ച ശേഷവും പാക് ക്രിക്കറ്റിനെ സേവിക്കാന് ഇംതിയാസ് പ്രവര്ത്തിച്ചിരുന്നതായും ഖാന് പറഞ്ഞു.
Continue with Google