വിരാട് കോലി
ദര്ബന് ഏകദിനത്തിലെ കോലിയുടെ ഇന്നിങ്സ് തന്നെയാണ് ഒന്നാം സ്ഥാനത്ത്. ഫാഫ് ഡു പ്ലസിസിന്റെ സെഞ്ച്വറി മികവില് 269 എന്ന മികച്ച സ്കോര് സൗത്ത് ആഫ്രിക്ക പടുത്തുയര്ത്തിയിരുന്നു. മറുപടി ബാറ്റിങ്ങിനിറങ്ങിയ ഇന്ത്യ വിരാട് കോലിയുടെ 112 റണ്സിന്റെ അകമ്പടിയോടെ ജയം കൈപ്പിടിയിലൊതുക്കി. 5.3 ഓവര് കളി ബാക്കിനില്ക്കെയായിരുന്നു ഇന്ത്യ വിജയം കണ്ടെത്തിയത്.
വിരാട് കോലിയുടെ മറ്റൊരു ഇന്നിങ്സ്
ഇന്ത്യന് ക്യാപ്റ്റന്റെ മറ്റൊരു ഇന്നിങ്സും വേറിട്ടുനില്ക്കുന്നു. കേപ്ടൗണ് ഏകദിനത്തിലായിരുന്നു കോലിയുടെ കരിയറിലെ മികച്ച ഇന്നിങ്സുകളിലൊന്ന് പിറന്നത്. രോഹിത് ശര്മ നേരത്തെ പുറത്തായ മത്സരത്തില് 160 റണ്സോടെ കോലി മുന്നില്നിന്നും നയിച്ചപ്പോള് 303 റണ്സ് വിജയലക്ഷ്യം ഇന്ത്യ ദക്ഷിണാഫ്രിക്കയ്ക്ക് നല്കി. മത്സരത്തില് 124 റണ്സാണ് ഇന്ത്യ ജയിച്ചത്.
രോഹിത് ശര്മ
നോട്ടിങ്ഹാമില് ഇംഗ്ലണ്ടിനെതിരായ ഏകദിന മത്സരത്തിലായിരുന്നു രോഹിത്തിന്റെ ശ്രദ്ധേയമായ ബാറ്റിങ് പ്രകടനം. 114 പന്തില് 137 റണ്സടിച്ച രോഹിത് ഇംഗ്ലണ്ടിന്റെ 269 റണ്സെന്ന വിജയലക്ഷ്യം അനായാസം മറികടക്കാന് ഇന്ത്യയെ സഹായിച്ചു. ആദ്യ വിക്കറ്റില് 23 പന്തില് 40 റണ്സടിച്ച ധവാനൊപ്പം 59 റണ്സിന്റെ കൂട്ടുകെട്ടുണ്ടാക്കിയശേഷമായിരുന്നു രോഹിത് കളം നിറഞ്ഞത്.
ശിഖര് ധവാന്
ഓപ്പണ് ശിഖര് ധവാന്റെ പേരിലാണ് ഇന്ത്യയുടെ മറ്റൊരു ഇന്നിങ്സ്. ദുബായില് നടന്ന ഏഷ്യാ കപ്പിലെ നിര്ണായക മത്സരത്തില് പാക്കിസ്ഥാനെ തോല്പ്പിക്കാന് ധവാന്റെ സെഞ്ച്വറി ഇന്ത്യയ്ക്ക് കരുത്തായി. 237 റണ്സ് പിന്തുടര്ന്ന ഇന്ത്യയ്ക്കായി ധവാന് 114 റണ്സെടുത്തു. മത്സരത്തില് 111 റണ്സെടുത്ത രോഹിത് ശര്മയ്ക്കൊപ്പം 210 റണ്സിന്റെ ഓപ്പണിങ് കൂട്ടുകെട്ടാണ് ഇന്ത്യ ഉയര്ത്തിയത്.
അമ്പാട്ടി റായിഡു
ഇന്ത്യയുടെ മധ്യനിരയില് ആരെന്ന ചോദ്യത്തിന് അമ്പാട്ടി റായിഡു നല്കിയ ഉത്തരമായിരുന്നു വെസ്റ്റിന്ഡീസിനെതിരായ ഇന്നിങ്സ്. 162 റണ്സെടുത്ത രോഹിത് ശര്മയ്ക്കൊപ്പം 100 റണ്സെത്ത അമ്പാട്ടി റായിഡു ഇന്ത്യയ്ക്ക് സമ്മാനിച്ചത് 377 എന്ന കൂറ്റന് സ്കോര് ആയിരുന്നു. മത്സരത്തില് വിന്ഡീസ് 224 റണ്സിന് പരാജയപ്പെടുകയും ചെയ്തു.