ബ്യൂട്ടി മീറ്റ്സ് ക്വാളിറ്റി
അന്താരാഷ്ട്ര ടെന്നിസിലെ ഏറ്റവും പോപ്പുലറായ പേരാണ് സ്വിസ് താരമായ റോജര് ഫെഡറര്. ഐ പി ടി എല് രണ്ടില് കിരീടം നേടാനുറച്ച് തന്നെയാണ് തങ്ങളെന്നും ഫെഡറര് തങ്ങളോടൊപ്പം ചേരുമെന്നും യു എ ഇ റോയല്സ് ട്വിറ്ററില് പറഞ്ഞു
അഗ്രസീവ് കോലി ഫെഡ് എക്സ്പ്രസിനൊപ്പം
ഇന്ത്യയടക്കമുള്ള അഞ്ച് രാജ്യങ്ങളിലാണ് കളി. ഫെഡറര്ക്കൊപ്പം വിരാട് കോലി കൂടി ടീമിന്റെ ഭാഗമാകുന്നതോടെ ഇന്ത്യക്കാരുടെ പിന്തുണ അപ്പാടെ കിട്ടുമെന്ന പ്രതീക്ഷയിലാണ് യു എ ഇ റോയല്സ്.
കോലിക്ക് പറയാനുള്ളത്
താന് വളരെ താല്പര്യത്തോടെ പിന്തുടരുന്ന കളിയാണ് ടെന്നിസ്. ഒരു പ്രോഫഷണല് ടെന്നീസ് ലീഗ് ടീമിന്റെ ഭാഗമാകാന് കഴിഞ്ഞതില് അതിയായ സന്തോഷമുണ്ട്. - കോലി പ്രതികരിച്ചത് ഇങ്ങനെ. നേരത്തെ സച്ചിനൊപ്പം കോലി വിംബിള്ഡണ് കളി കാണാന് ലണ്ടനിലെത്തിയിരുന്നു.
സച്ചിന് - ഫെഡറര് - കോലി
ടെന്നീസ് താരം റോജര് ഫെഡററുടെ വലിയ ആരാധകനാണ് സച്ചിന്. തിരിച്ച് ഫെഡറര് സച്ചിന് ഫാനുമാണ്. എന്നാല് ഫെഡറര്ക്കൊപ്പം ഒരുമിച്ച് ടീമിലെത്താനുള്ള ഭാഗ്യമുണ്ടായത് സച്ചിന്റെ പിന്മുറക്കാരനായി ആരാധകര് വാഴ്ത്തുന്ന കോലിക്കാണ്.
രണ്ടാം എഡിഷന്
മഹേഷ് ഭൂപതി തുടങ്ങിവെച്ച ഐ പി ടി എല്ലിന്റെ രണ്ടാം എഡിഷനാണിത്. 5 ടീമുകളാണ് ഉള്ളത്. കഴിഞ്ഞ തവണ ഇന്ത്യന് ടീമായ ഇന്ത്യന് ഏയ്സസിനായിരുന്നു കിരീടം.
ഫെഡററിന് പകരം പേസ്
കഴിഞ്ഞ തവണ റോജര് ഫെഡറര് ഇന്ത്യന് ഏയ്സസിന് വേണ്ടിയാണ് കളിച്ചത്. ഇത്തവണ ഫെഡറര് യു എ ഇയിലേക്ക് പോകുമ്പോള് ഇന്ത്യയുടെ സൂപ്പര് താരം ലിയാന്ഡര് പേസ് ഇന്ത്യന് ടീമിന് വേണ്ടി കളിക്കും.