മങ്കാദിങിനെ അനുകൂലിക്കുന്നു
ഞാന് മങ്കാദിങിനെ പൂര്ണമായും അനുകൂലിക്കുന്നു. അതു ഐസിസിയുടെ നിയമത്തില് അനുവദിക്കപ്പെട്ടിട്ടുള്ളതാണ്. ഈ രീതിയില് നോണ് സ്ട്രൈക്കറുടെ എന്ഡിലുള്ള താരത്തെ പുറത്താക്കുന്നത് ഗെയിമിന്റെ സ്പിരിറ്റിനു നിരക്കാത്തതാണെന്നു പറയുന്ന ആളുകളോടു താന് യോജിക്കുന്നില്ലെന്നും അര്ജുന് ടെണ്ടുല്ക്കര് വ്യക്തമാക്കി.
മങ്കാദ് ചെയ്യില്ല
ക്രിക്കറ്റിലെ മങ്കാദിങ് റണ്ണൗട്ടിനെ ഞാന് അനുകൂലിക്കുന്നുവെങ്കിലും അതു ചെയ്യില്ല. കാരണം ബൗളിങിന്റെ റണ്ണപ്പിനിടെ ഇടയ്ക്കു ഓട്ടം നിര്ത്തി നോണ് സ്ട്രൈക്കറുടെ എന്ഡിലെ ബേല്സ് തെറിപ്പിക്കുവാന് എനിക്കു കഴിയില്ല. അതു ഒരുപാട് അധ്വാനം ആവശ്യമുള്ള കാര്യമാണ്.
അതുകൊണ്ടു തന്നെ ഞാന് എന്റെ എന്ര്ജി ഇതിനു വേണ്ടി പാഴാക്കുകയുമില്ല. പക്ഷെ ആരെങ്കിലും ഇതു ചെയ്യുകയാണെങ്കില് ഞാന് അതിനോടു യോജിക്കുകയും ചെയ്യുമെന്നും അര്ജുന് ടെണ്ടുല്ക്കര് കൂട്ടിച്ചേര്ത്തു.
Also Read: IPL 2023: റോയല്സ് ഇവരെ പുറത്താക്കില്ല, എല്ലാ കളിയിലും കാണാം- അറിയാം
രഞ്ജി കളിക്കുന്നു
നിലവില് രഞ്ജി ട്രോഫിയില് ഗോവയ്ക്കു വേണ്ടി കളിച്ചുകൊണ്ടിരിക്കുകയാണ് അര്ജുന് ടെണ്ടുല്ക്കര്. മുംബൈ ടീമില് അവസരങ്ങള് നിഷേധിക്കപ്പെട്ടതോടെയാണ് കഴിഞ്ഞ വര്ഷം താരം ഗോവയിലേക്കു തട്ടകം മാറിയത്.
ഗോവയ്ക്കു വേണ്ടി മികച്ച പ്രകടനമാണ് അര്ജുന് നടത്തിക്കൊണ്ടിരിക്കുന്നത്. രഞ്ജിയിലെ അരങ്ങേറ്റ മല്സരത്തില് സെഞ്ച്വ്വറുമായി താരം തുടക്കം ഗംഭീരമാക്കുകയും ചെയ്തിരുന്നു. കൂടാതെ മൂന്നു വിക്കറ്റുകളോടെ ബൗളിങിലും അര്ജുന് തിളങ്ങിയിരുന്നു.