വാരിയേഴ്സിന് മികച്ച സ്കോര്
ടോസ് ലഭിച്ച പാഖ്തൂണ്സ് നായകന് അഫ്രീഡി എതിരാളികളെ ബാറ്റിങിന് അയക്കുകയായിരുന്നു. അദ്ദേഹത്തിന്റെ കണക്കുകൂട്ടലുകള് തെറ്റിച്ചുകൊണ്ട് വാരിയേഴ്സ് തകര്ത്തടിച്ചു. 10 ഓവറില് മൂന്നു വിക്കറ്റിന് 140 റണ്സ് അവര് അടിച്ചെടുത്തു. റോമെന് പവെലിന്റെ (61*) ഇന്നിങ്സാണ് വാരിയേഴ്സിന് കരുത്തായത്. 25 പന്തില് എട്ടു ബൗണ്ടറികളും നാലു സിക്സറുമുള്പ്പെട്ടതായിരുന്നു പവെലിന്റെ ഇന്നിങ്സ്. ആന്ദ്രെ റസ്സല് (12 പന്തില് 38) മികച്ച പിന്തുണയാണ് നല്കിയത്.
|
പൊരുതാനാവാതെ പാഖ്തൂണ്സ്
60 പന്തില് 140 റണ്സ് നേടുകയെന്നത് ഒരിക്കലും എളുപ്പമല്ല. ചേസിങില് പാഖ്തൂണ്സ് ശരിക്കും പതറുകയും ചെയ്തു. ഏഴു വിക്കറ്റിന് 118 റണ്സെടുക്കാനേ അവര്ക്കായുള്ളൂ. 18 പന്തില് നാലു സിക്സറും രണ്ടു ബൗണ്ടറികളുമുള്പ്പെടെ 37 റണ്സെടുത്ത ആന്ദ്രെ ഫ്ളെച്ചറാണ് ടോപ്സ്കോറര്.
26 റണ്സെടുത്ത ഷഫീഖുള്ള ഷഫീഖാണ് ടീമിന്റെ മറ്റൊരു പ്രധാന സ്കോറര്. ക്യാപ്റ്റന് അഫ്രീഡി ഏഴു പന്തില് രണ്ടു സിക്സറുകളോടെ 17 റണ്സെടുത്ത് പുറത്തായി.
|
നിരാശപ്പെടുത്തി കേരളം
പ്രഥമ സീസണിലെ ചാംപ്യന്മാരായ കേരളം ഇത്തവണ നിരാശാജനകമായ പ്രകടനമാണ് നടത്തിയത്. നാലു ടീമുകളുള്പ്പെട്ട ഗ്രൂപ്പില് മൂന്നാംസ്ഥാനത്താണ് കേരളം ഫിനിഷ് ചെയ്തത്. പിന്നീട് നടന്ന് സൂപ്പര് ലീഗില് കേരളം ഏഴാംസ്ഥാനത്തേക്കും കേരളം പിന്തള്ളപ്പെട്ടു.
ഇയോന് മോര്ഗന് നയിച്ച കേരള ടീമില് മികച്ച ചില താരങ്ങളുണ്ടായിരുന്നു. വിന്ഡീസ് ഇതിഹാസം ക്രിസ് ഗെയ്ലിനെക്കൂടാതെ കിരോണ് പൊള്ളാര്ഡ്, ടോം കറെന്, ഇമ്രാന് നസീര്, ഉപുല് തരംഗ, വെയ്ന് പാര്നെല്, ജോണി ബെയര്സ്റ്റോ എന്നീ ഒറ്റയ്ക്കു മല്സരം ജയിപ്പിക്കാന് ശേഷിയുള്ള കളിക്കാര് കേരളത്തിനൊപ്പമായിരുന്നു.