ട്വന്റി20 ലോകകപ്പ് ടീമിലെത്തിയിട്ടും അജിന്‍കെ രഹാനെയ്ക്ക് കഷ്ടകാലം തീരുന്നില്ല

'നോ വേക്കന്‍സി'

ഇപ്പോഴത്തെ ടീമില്‍ രഹാനെയെ എവിടെ കളിപ്പിക്കും. ഓപ്പണിങ്ങില്‍ ശിഖര്‍ ധവാനും രോഹിത് ശര്‍മ്മയും ഇറങ്ങും. വണ്‍ഡൗണായി ഉജ്വല ഫോമില്‍ കളിക്കുന്ന വിരാട് കോലിയും. തൊട്ടുപിന്നാലെ ട്വന്റി20യിലെ സ്‌പെഷ്യലിസ്റ്റ് സുരേഷ് റെയ്‌ന. ഇവര്‍ക്കിടയില്‍ രഹാനയെ എവിടെ ഉള്‍ക്കൊള്ളിക്കുമെന്നാണ് ധോണിയുടെ ചോദ്യം.

ധവാന്‍-രോഹിത് മികച്ച ഫോമില്‍

ശിഖര്‍ ധവാന്‍- രോഹിത് ശര്‍മ്മ ഓപ്പണിങ് കൂട്ടുകെട്ട് പരാജയപ്പെട്ടാല്‍ മാറ്റി പരീക്ഷിക്കാമെന്ന ഉദ്ദേശത്തിലാണ് രഹാനയെ ടീമില്‍ ഉള്‍പ്പെടുത്തിയത്. എന്നാല്‍ നിലവില്‍ മിന്നും ഫോമില്‍ കളിക്കുന്ന ധവാന്‍- രോഹിത് സഖ്യത്തെ മാറ്റേണ്ട സാഹചര്യമില്ലെന്നത് രഹാനെയ്ക്ക് തിരിച്ചടിയാണ്.

ടീമില്‍ രഹാനെ വേണമെന്ന് പറഞ്ഞത് ധോണി

രഹാനയെ ലോകകപ്പ് ടീമില്‍ ഉള്‍പ്പെടുത്തണമെന്ന് ആവശ്യപ്പെട്ടത് ധോണി തന്നെയായിരുന്നു. ഐപിഎല്ലിലെ പ്രകടനത്തിന്റെ അടിസ്ഥാനത്തിലായിരുന്നു ധോണിയുടെ നിര്‍ദേശം.

രഹാനെ മികച്ച ബാറ്റ്‌സ്മാന്‍

രഹാനെ മികച്ച ബാറ്റ്‌സ്മാനാണ്. എന്നാല്‍ നിങ്ങള്‍ നോക്കൂ ലോകകപ്പ് പോലുള്ള മത്സരത്തില്‍ ഏറ്റവും മികച്ച പ്ലേയിങ് ഇലവനെ തന്നെ വേണം കളത്തിലിറക്കാന്‍. എന്നാണ് ധോണിയുടെ മറുപടി.

ലോകകപ്പിന് ഇനി ഒരുമാസം

മാര്‍ച്ച് എട്ടിനാണ് ലോകകപ്പ് ആരംഭിക്കുക. ഇന്ത്യയിലെ ഏഴ് നഗരങ്ങളിലായാണ് മത്സരങ്ങള്‍ നടക്കുക.